بقلم /جرجس أبادير
فيلم الباب المفتوح
فاتن حمامه محمود مرسي حسن يوسف صالح سليم
اخراج هنري بركات
تصوير وحيد فريد
قصة لطيفه الزيات
انتاج 1963م
فيلم الباب المفتوح
تحفة فنية تعتمد علي الرمز و المعني به معاني كتيرة
لو ركزنا في كل مشهد وكل كلمة و كل حركة
لا توجد كلمه قيلت عبثاً ولا مشهد اخذ بلا معني
بالعكس المخرج هنري بركات جعل لكل لقطه معني و كل لقطه مدروسه بدقه
سنجد رمزيات كتيره مثل
مشهد حـريق القاهرة
ومشهد الفنجان والدبانه
والاسانسير الطالع والنازل وغيرهم
العبقريه في ربط ظروف البلد وقتها بظروف كل شخصية وتغييرتها
السيناريو كان من المقومات القوية جدا في الفيلم
بالذات جوابات حسين صالح سليم ونقاشاته مع ليلي فاتن حمامه
عموما السيناريو و الحوار طوال الفيلم عبقري
التصوير وحيد فريد أبدع فيه و هذه صور من مشاهد الفيلم
التي ابدع وحيد فىيد في اللقطه والصوره السينمائي كان عظيم كأنها لوحة مرسومة
غير الموسيقي التصويرية المناسبة للأحداث لاندريا رايدر
أخيراً اداء الممثلين كلهم مفيش خلاف عليهم كل واحد من ابطال العمل
كان متفصل عليه الدور كلهم طلعوا احسن ما عندهم في الشخصية
مشهد الفنجان و الدبانه من ابدع مشاهد الفيلم
مشهد عبقري
بين فاتن حمامة ومحمود مرسي
يوم الخطوبه المشهد يعبر عنه فنجان الشاي
لما شافته بيبص لجميلة بنت خالتها شويكار
بتقوله تعرف اننا متربيين في بيت واحد تقصد هي وبنت خالتها
هو بيرد عليها و عينه علي جميلة بس انتي حاجة وهي حاجة تانية خالص
انتي عمرك ما ها تكوني زيها
بيقول الجملة دى بغريزة الحيوان اللي جواه
هي بتلاحظ دة فبتقول له
انت قلت الجملة دى كأنك زعلان اني مش زيها
هنا تكلم بلهجة المتسلط المسيطر
انتي لو كنتي زيها ماكنتش فكرت اتجوزك ابداا
انتي هادية ومطيعة وبتسمعي الكلام
هي بتقول له وجواها حسرة
ها تتجوزني عشان كدة بس
ف يرد بصراحة و وضوح وابتسامة جافة
طبعا اومال ها أتجوزك عشان ايه
لما بتبص لفنجان الشاي اللي امامها
وجدت الذبابة وقعت في فنجان الشاي وبتحاول تقاوم الغرق
بتسكت وتحزن وتسرح
بتشوف محمود اخوها وسناء صحبتها واقفين مع بعض
بتقول للدكتور فؤاد وهي فرحانة بيهم
تصور محمود وسناء بيحبو بعض
هو بيضحك باستهزاء
هي بتقول له بخزلان واحباط لعب عيال مش كدة
هو بجفاء فيه خطوبة رسمي
بترد عليه بيأس لأ فيه حب
هو مافيش حاجة اسمها حب اللي انتي شايفاه دة مش حب
دة غريزة زي الحيوان اللي بيجري ورا غرايزه
هي تتصدم اكتر و تتحسر اكتر
بترجع تاني تبص لفنجان الشاي بتلاقي ان الدبانة غرقت وانتهت
ساعتها بتشوف مصيرها واضح امام عينيها
وكأن فنجان الشاي رسالة لها أنها ستغرق مثل الذبابه
الصوره و الحوار و الرمز هي اعمدة الفيلم السين
مائي
عمل من ابداع هنري بركات و وحيد فريد
جرجس ابادير