حبيبتي يا مصر
محروسة يامصر المحروسه من رب العباد
ولا عمرك هتكوني موحوسه في غروب البلاد
دانتي الأصل وانتي الصوره طول عمرك هتكوني منصوره
ولا عمرك هتعيشي مكسوره
يا أم البلاد
فيكي التين فيكي الزيتون
فيكي تجلى الله ع الكون
والوادى الطيب موجود في سينا الحبيبه
في يمينك أرض الفيروز
يا غنيه في عينيكي كنوز
يا طاهره وأصيله
يا وعدك يا أم الدنيا اختصك ربنا بالخير
دا انتي كنانة الله في الأرض
فيكي مساجد فيكي كنائس فيكي الدير
إنتي لنفسي بلدي وروحي
إنتي الدوا بيداوي جروحي
فيكي أهلي وخلي وبيتي
يبقى ازاي هنساكي ياروحي
وهاسيبك للغير
أهل البيت حبوكي يا مصر
حمتيهم ضللتي عليهم
في عيونك بأمان داريتيهم
على كفك حسوا بالنصر
دا مفيش غازي وكان لك مالك
ولا كان ماشي في دربك سالك
كنتي الصخره الجامده الحره
إللي انكسر الصعب عليها
وارتاح بالك
عشتي يا مصر لأهلك حره
وعظيمه وكريمه وطاهره
يا أم البلاد
--
نبيل مصيلحي