قوم يابطل وارفع رآياتك فى السما
اليوم ده عيد لينا وأعظم ملحمه
ونهار وفجر من جديد طالع لنا
قوم يا بطل وارفع رآياتك في السما
بإراده وبقوه وعزيمه وإحتراف
عمره في يوم ما ينحني ولا يوم يخاف
رمز الشجاعه والبطوله والعفاف
قوم يا بطل وارفع رآياتك في السما
حبك بيجري يا حبيبتي في الوريد
وأتمنى إني في هواكي أكون شهيد
ساعتها أحس إني اتولدت من جديد
قوم يا بطل وارفع رآياتك في السما
وفي حضن قلبك برتوي حب وحنان
يا أم الحضاره والأصاله والأمان
يا مصر عاشق والهوى مالي الكيان
قوم يا بطل وارفع راياتك في السما
تاريخك المكتوب بنور فوق الجبين
شاهده عليه كل الليالي والسنين
اسمك في قلبي نبض عايش بالحنين
قوم يا بطل وارفع راياتك في السما
مهما الليالي تقسى أو يطول طريق
إحنا في ضهرك وقت شده وأي ضيق
مصر العظيمه نجم عالي وله بريق
قوم يا بطل وارفع راياتك في السما
خواطر
رجاء عبد الحكيم
