وعاش الأمل في عيون بريئه
ونبض القلوب بيرسم حقيقه
وعاشت إرادة قوية وجريئه
بتروي ولادك دقيقه بدقيقه
إيمانّا بيقوى بصوت حنينك
ومهما بنبعد، بشوقنا نجيـلك
شربنا عَطاكِ وعِشنا في خيرك
وكبّرنا حُبّك في عشق نيلك
ترابك ده غالي ودمّك في دمي
وضحكة صباحك بتِمحِيلى همّي
بحبك يا بلدي، يا أرضي وأمّي
وهفضل أقولها وأغنّي باسمك
بأيدينا نبني ونعلي رايتك
ونكتب في بكرة سطور حكايتك
وتفضلي دايمًا منوره بيتك
وعاش الأمل في عيون ولادك
خواطر
رجاء عبد الحكيم
