كتب /طلعت مرسى ابراهيم
الزقازيق صحيت النهار ده السبت على ملحمة أمنية زلزلت كفر الحمام! الرجالة في مباحث مركز الزقازيق بقيادة المقدم هشام عبد الحميد رئيس المباحث، مع أبطال الأمن المركزي، نزلوا تقيل قوي وضربوا كراسي النور في بؤر الكيف والمخدرات، وحاصروا حيتان السموم اللي فاكرين نفسهم فوق القانون!
المواجهة الشرسة والضرب الحي:
أول ما العتاولة حسوا بالشبكة بتتقفل عليهم، أخدتهم العزة بالإثم وبدأوا يرشوا نيران بكثافة على قواتنا! بس رجالة الشرطة ما بيتوصوش؛ ردوا عليهم في ساعتها بضرب حاسم وسيطروا على المنطقة بالكامل.
صوت الرصاص كان جاري ومسموع في الجنينة والمساكن الجديدة وعزبة عبد الملك ، والطوق الأمني كتم نفس كل من هو خارج عن القانون!
حصيلة الضربة الأمنية الناجحة اللي تبرد القلوب:
مصرع عنصر إجرامي شديد الخطورة كان مأرق المنطقة.
إصابة 3 تانيين من المسجلين خطر.
القبض على تاجر مخدرات متلبس.
إصابة مزارع غلبان برصاصة عشوائية ضربها المجرمين وهو معدي، وربنا يسل
الضبطيات والمضبوطات:
القوات حطت إيديها على كميات كبيرة من السموم والمخدرات، ومعاها ترسانة أسلحة نارية وذخيرة، والنيابة شغالة معاهم دلوقتي على قدم وساق.
سلامة الرجالة هي الأهم:
ألف حمد وشكر لله على سلامة أبطالنا رجالة الشرطة والأمن المركزي، طالعين منها سالمين وراسين ومفيش نقطة دم واحدة سالت من أبطالنا.