بقلم صالح منصور
كنت فاكر قلبي مات
كنت فاكر المشاعر اتجمدت
والاحساس بقي عادى
يعنى جعان
عطشان
تعبان
زعلان
فرحان
او شعور يوم بالملل
يعنى مشاعر روتين
من غير سعادة
يعنى مشاعر كالعادة
بس قبلتك بالغلط
خجوله كدة متمردة
جميله اوى متفردة
العيون فيها شطان النخيل
والشعر اطول من ليل طويل
والضحكة فجر يبزوغ لنهار جميل
والخدود بستانين ياسمين وفل
حسيت بقلبي بيدق بس مش دقته
دقه يمكن للحياة رجعته
والمشاعر داب منها الجليد
رجعت احس انا من جديد
اه في حنين
واشتياق
فيه لهفه ورجاء
رجعت اشعر بالقلق
رجعت اخاف من الفراق
رجعت انسان تانى من جديد
لما شفتك صدفه من بعيد
صالح منصور