انا والايام بينا كلام يوم تضحكلي ويوم خصام يوم تفتحلي الف باب ويوم تقفل في وشي الكلام
كبرت وانا بجري وراها وبقول يمكن الاقي السلام
لقيت العمر بيجري اسرع وانا لسه واقف في نفس المقام
كنت بدي الناس من قلبي واحسب الجدعنة احترام
واسكت عن حقي علشانهم واقول معلش دي عشرة وتمام
ضحكت كتير علشان غيري وخبيت جوايا الالام
وكل ما حد يسألني مالي اقول بخير وانا مليان كلام
كنت فاكر رضا كل الناس هو الطريق للامان لحد ما صحيت في يوم ولقيتني خسرت نفسي كمان
سألت قلبي انت فين قاللي تعبت من الخصام قلت له اصبر لسه في العمر قاللي انا عايز اعيش بسلام
ومن يومها غيرت طريقي ومبقتش اخاف من الكلام اللي يحبني يفضل جنبي واللي يبعد خلاص بسلام
مش كل باب اتقفل خسارة ولا كل غياب اسمه حرام في ناس بعدها كان راحة وفي ناس قربها كان اوهام
وفي ناس دخلت حياتي وسابت جوايا احترام وفي ناس علمتني بوجعها ان الطيبة مش استسلام
بقيت اعرف اقول لا من غير خوف ولا اهتمام وبقيت اختار راحتي قبل ما ارضي اي انسان
لو حلمي اتاخر شوية مش معنى كده انه انهدم يمكن الطريق لسه طويل بس اخره اكيد ابتسام
ولو وقعت اقوم تاني ومهما الدنيا تقول حطام هلم روحي من على الارض واقول لنفسي قوم يا همام
انا مش هعيش باقي عمري اسير لخوف او ندم هكتب بنفسي باقي حكايتي وهخلي نهايتها سلام
انا والايام بينا كلام بس الكلام بقى التزام هي تاخد مني اللي فات وانا اخد منها درس تمام
ولو سالتني الدنيا بكرة انت عايز ايه من الايام هقولها عايز قلب مرتاح وعمر يعيش من غير اوهام
عايز اصحى الصبح راضي واشوف في وشي ابتسام واسيب ورايا سيرة طيبة تعيش بعدي سنين قدام
انا والايام بينا كلام بس خلاص انتهى الخصام انا كنت تايه جواها والنهارده رجعت لنفسي وده كان اجمل ختام بقلم الكاتب وشاعر البسطاء سعيدسعيدامام