بقلم جرجس أبادير
فيلم ابن حميدو الذي نضحك عليه الي اليوم
اسم الفيلم والأفيش تريقة على فيلم حميدو
بطولة فريد شوقي حتى الأفيش كان نسخة طبق الأصل
شالوا فريد شوقي و وضعوا إسماعيل يس بنفس الوقفة
زودوا كلمة ابن تريقة على فيلم عالمي صور في مصر وقتها
اسمه ابن كليوباترا فاصبح ابن حميدو
فيلم ابن حميدو فيلم كله قصص وحكايات
ابطال افلام مشهوربن لكن المتفرج
لا يعرفهم ولا يعرف تاريخهم
الفنانه سعاد احمد أم حميدة زوجة الريس حنفي كبير الصيادين
المعلم حنفي عبد الفتاح القصري
انا كلمتي مش ممكن تنزل الأرض ابدا
ام حميده سعاد احمد حنفي
المعلم حنفي القصري خلاص هتنزل المرة دي
لن ينسى احد هذا الحوار و لا هذا المشهد الكوميدي الرائع
بين الفنان عبد الفتاح القصري و الفنانة سعاد احمد
أيضا أن ننسي ابدا مشهد الباخرة نورماندي تو
حيث كونا ثنائياً ناجحاً خالدا في تاريخ السينما المصرية
ولدت الفنانة سعاد احمد في يوم 28 مارس عام 1907م
بدأت حياتها الفنية كمونولوجست في شارع عماد الدين
إلى أن قدمها المخرج توجو مزراحي في فيلم العز بهدلة عام 1937م
في عام 1940م قدمها توجو مزراحي أيضا لتشارك
نجم الكوميديا علي الكسار بطولة ألف ليلة وليلة
ثم توالت أعمالها السينمائية حيث قدمت حوالي 60 فيلم منها
بين القصرين
أحبك يا حسن
ابن حميدو
القلب له أحكام
قلوب حائرة
متحف الشمع
صاحبة العصمة
ازاى انساك
كيلو 99
سمارة
توفيت الفنانة سعاد احمد في 2 أغسطس 1962م
يخلط المتفرج بينها و بين الفنانه اليهوديه ساميه رشدي التي قامت
بدور الحماه في فيلم غصن الزيتون سعاد حسني وأحمد مظهر
و بدور الام صاحبة العوامه علي النيل فيلم ايام ليالي عبد الحليم حافظ و ايمان
في فيلم ابن حميدو وسط هذا الكم من النجوم هناك شخصية
ظهرت في مساحة صغيرة جدًا مع ذلك لا يكاد من شاهد الفيلم قديمًا ينساها
عم رفعت صبي الباز أفندي مساعد شخصية الباز التي جسدها توفيق الدقن
الشخصية لم تكن مجرد ظهور عابرفقد استغل المخرج فطين عبد الوهاب
حضورها بصريًا في صناعة مواقف كوميدية
منها ظهوره وهو يتحرك في الشارع على دراجة أطفال بثلاث عجلات
هنا تظهر عبقرية أفلام تلك الفترة مشهد قصير شخصية هامشيه
لكن لقطة واحدة قادرة على أن تعيش في ذاكرة الجمهور لعشرات السنين
عم رفعت صبى الباز افندى رغم قلة مشاهده فى السينما
إلا أن دوره ظل عالقا لعقود فى اذهان المصريين
لما ارتبط بدوره من مشاهد التلصص على ابطال الفيلم اسماعيل يس وأحمد رمزى
اضافة الى مشاهد كوميدية آخرى مشتركة مع الكوميدي الراحل توفيق الدقن
بعض المصادر الصحفية تناولت الشخصية من زاوية نقدية
مشيرة إلى أن كوميديا الفيلم اعتمدت أحيانًا على السخرية من قِصر القامة
هو جانب يستحق أن نتأمله اليوم ونحن نعيد مشاهدة
أفلام الزمن الجميل بعيون مختلفة توفى عم رفعت عام 1994م
كل ابطال الفيلم تحولوا الي الكوميديا من فرط المواقف الكوميدية
والجمل المضحكه في الحوار لم يستطع المخرج فطين عبد الوهاب
السيطره علي بعض ابطال الفيلم من هيستريا الضحك
نجد هند رستم تضحك بهستيريا من عبارات زينات صدقي التلقائية
أحمد رمزي يضحك من حركات اسماعيل ياسين
فيلم كوميدي من الدرجه الاولي
كل جمله و كل حوار بين اثنين أو أكثر من ابطال الفيلم
كوميديا بدون اسفاف أو الفاظ خارجه أو حركات مخله
نجد الحوار بين القصري و الدقن هذا يتكلم في شئ
و ذلك يرد عليه بشئ اخر بعيد تماما
عن مايسأل عنه توفيق الدقن الباز افندي يسأل المعلم حنفي
بمنتهي الجديه هو الإنسان مخير ولا مسير يامعلم حنفى
يختار مايريد أم أنه في طريق بغير إرادته مكتوب له
المعلم حنفي فهم حاجه تاني خالص و يرد عليه أيضا بمنتهي الجديه
الانسان حر عايز يتخير يتخير يقصد يعمل زي الناس
عايز لا مؤاخذة يتسير يتسير في لغة العامه يتبول
احمد رمزي لما اتسأل عن أجره في فيلم ابن حميدو
قال انه وقتها كان 400 جنيه وده كان الرقم المتعارف عليه بين المنتجين
كأجر لجانات السينما وقتها لكن احمد رمزي كسر هذه القاعدة
بعد كده لما فيلم ابن حميدو عرض و كسر الدنيا
جاب ايرادات قرب الـ 300 ألف جنيه ده رقم كبير جدا في الخمسينات
بعدها بحوالي سنة المخرج احمد بدرخان كان بيعمل فيلم اسمه غريبة
كان تاني دور بطوله لنجاة الصغيره اتعمل سنة 1958م
احمد بدرخان رشح احمد رمزي لدور الشاب اللي نجاة تحبه احمد رمزي
عند الاتفاق مع المنتج رمسيس نجيب رمسيس كان عامل حسابه على الـ 400 جنيه اجره
لكن احمد رمزي فاجئه وطلب 800 جنيه احمد رمزي
حكي ان رمسيس كان قاعد بيتكلم معاه لما سمع المبلغ رجع بالكرسي لورا
وفضل متنح من الصدمه قال لرمزي 800 جنيه ايه انت أكيد اتجننت
رد احمد رمزي وقاله يا كده يا بلاش رمسيس قاله يبقى بلاش
المخرج احمد بدرخان راح لرمسيس نجيب وعرف منه اللي حصل
فقال له لازم احمد رمزي لأن الدور متفصل عليه وتمسك بيه
لدرجة انه قال انا ها أتحمل الفرق بس احمد رمزي يعمل الدور
فعلا احمد رمزي عمل الدور وكسر سقف الرواتب وقتها
بعد شهور قليلة اترشح لفيلم الاخ الكبير مع فريد شوقي عام 1958م
بدل ما يطلب 800 جنية طلب أجر 1000 واخدهم
الغريب ان احمد رمزي اصلا لما طلب يرفع اجره كان على سبيل
انه يغلس على رمسيس نجيب لأنه مش بيحبه شخصيا
رغم انه اكتر منتج اشتغل معاه وده بسبب انه مره كان قاعد في مكان
سمع رمسيس بيشتم على عمر الشريف طبعا احمد رمزي كان انتيم عمر
عشان كده اخد موقف من رمسيس في الاخر جت بمصلحة واجره زاد
من كواليس وأسرار فيلم ابن حميدو حدثت
مشادة كلامية بين إسماعيل ياسين وهند رستم
أثناء تصوير فيلم ابن حميدو بسبب الغيرة الفنية وخوف إسماعيل ياسين
على نجوميته لان أثناء تصوير مشهد سرقة السمكة على شواطئ العين السخنة
شعَر إسماعيل ياسين أن هند رستم تخطف الأضواء
تتحدث كثيراً في المشهد دون إعطائه مساحة كافية فانفعل وترك التصوير غاضباً
إسماعيل ياسين قال للمخرج فطين عبد الوهاب منفعلاً
إن هند رستم عاملة زي البغبغان ومش مديانا فرصة للكلام
سمعت هند كلامه وبكت بحرقة متأثرة بما حدث أمام طاقم العمل
قامت زينات صدقي بتهدئة هند رستم وأوضحت لها أن إسماعيل ياسين
يفعل ذلك لأنه يخشى أن تأكل الجو وتسرق الكاميرا منه لطبيعة خفة دمها وجاذبيتها
تفهمت هند رستم الموقف لاحقاً وأدركت أن إسماعيل ياسين
فنان كبير يخاف على اسمه لكنها قررت أن تثبت جدارتها في المشاهد التاليه
وقت تصوير فيلم ابن حميدو هذه المنطقه
كانت صحراء عادية علي ساحل البحر الأحمر بعد مدينة السويس وجبل عتاقة
لما هند رستم قعدت فيها هذه القعدة سموها العين السخنة
دائما هند رستم كانت بالحلاوة والشياكة اللي في الأفلام
كان احمد رمزي و المخرج فطين عبد الوهاب قاعدين في لوكاندة في السويس
كل ليلة يتجمع الفنانيين تيجي هند تقعد معاهم كانوا بيعكسوها
احمد رمزي و فطين عبد الوهاب طول الليل بعد كده الموضوع
تطور وحدث شد مع بعضهم المنتج لاحظ هذا التنافس
حب يأدبهم اثناء تصوير الفيلم نزل القاهره و جاب زوجاتهم معاه
و فاجئ احمد رمزي و فطين عبد الوهاب فكملوا الفيلم بأدب
المشكلة الكبرى فكانت بين اسماعيل ياسين و زينات صدقى
اثناء تصوير المشهد الشهير فى المطبخ بعد ان حبسته
حيث وضعت مفتاح الباب فى صدرها فغضب اسماعيل ياسين
هدد بالانسحاب من الفيلم لان هذة الحركة لم يتم الاتفاق عليها
اثناء البروفات لولا ان تدخل المخرج فطين عبدالوهاب
اقنعه انه هو صاحب الفكرة هو الذى طلب من زينات ان تتصرف بهذا الشكل
فيلم ابن حميدو
برغم الميزانية المنخفضة والضئيلة التي أنتج بها التي بلغت 18 ألف جنيه مصري فقط
حقق الفيلم نجاحاً جماهيرياً ساحقاً عند عرضه في دور السينما
تجاوزت إيراداته 300 ألف جنيه مصري وهو رقم قياسي ضخم للغاية
بمقاييس تلك الفترة
فيلم ابن حميدو حكاياته كثيره و طريفه
فيلم من اخراج فطين عبد الوهاب
بطولة
اسماعيل ياسين هند رستم احمد رمزي توفيق الدقن
عبد الفتاح القصري زينات صدقي نيللي مظلوم
جرجس أبادير