بقلم جرجس أبادير
سلطنة ميت غمر هي كيان استقلالي رمزي أعلنته
مدينة ميت غمر في محافظة الدقهلية بمصر عام 1919م خلال ثورة 1919 ضد الاحتلال البريطاني
مِيتْ غَمْر مدينة مصرية تتبع محافظة الدقهلية
تقع على الضفة الشرقية لفرع دمياط من نهر النيل
مقابلة لمدينة زفتى
تعد المدينة ثاني أهم وأكبر مدن المحافظة بعد المنصورة. كانت المدينة مركزًا للصوفية في العصر المملوكي. استقرت فيها جاليات أجنبية في العصر الحديث
تعرضت المدينة لثلاثة حرائق كبيرة خلال تاريخها كان أبرزها عام 1902م أعيد بناء المدينة بعدها
لعبت دورًا في مقاومة الاحتلالين الفرنسي والبريطاني
كما أنها كانت موطنًا لأول بنك ادخار في الشرق الأوسط وأول بنك إسلامي في العالم الحديث
تشتهر اليوم بصناعة الألومنيوم الذي جعلها واحدة
من أهم المراكز الصناعية في دلتا النيل.
أعلنت مدينة ميت غمر
استقلالها عن السلطنة المصرية الخاضعة للاحتلال البريطاني آنذاك
تم تنصيب أحمد بك عبده
سُلطانًا عليها لمده استمرت أسبوعين فقط هي عمر سلطنه ميت غمر
تُعد جزءاً من حركات المقاومة الشعبية الطريفة
التي ظهرت خلال تلك الثورة
مثل جمهورية زفتى
و مملكة فارسكور
وإمبراطورية المنيا
و سلطنة ميت غمر
أحمد بك عبده سلطان ميت غمر
جمهورية زفتى سلطنة ميت غمر
مدينتان تنافستا علي الاستقلال مدينتان
علي ضفتي نهر النيل
سنة 1919م الدنيا كانت مقلوبة في مصر كلها بعد نفي الزعيم سعد زغلول في الوقت ده
أهالي مدينة زفتى جيران ميت غمر
والاتنين على النيل قصاد بعض
عملوا حركة جريئة جداً وأعلنوا استقلالهم
وسموا نفسهم جمهورية زفتى
أهالي ميت غمر يسكتوا لا طبعاً الغيرة الوطنية اشتعلت عندهم قالوا
يعني هي زفتى أحسن مننا في إيه
هما يبقوا جمهورية وإحنا نتفرج
لا يا سيدي.. إحنا كمان نستقل
مش بس كده إحنا هنبقى سلطنة ميت غمر
فعلاً أعلنوا قيام السلطنة
نصبوا الأستاذ أحمد بك عبده سلطانًا عليهم
مش بس كده
ده شكلوا حرس وطني من طلبة المدارس والعمال
ليحموا الدولة الجديدة
طلبة ثانوي بيحكموا بلد بينظموا المرور على الحدود
الشيخ والقسيس إيد واحدة بجد
في هذا الوقت
الإنجليز كانوا بيحاولوا يلعبوا على وتر الفتنة الطائفية لكن في ميت غمر الموضوع كان مختلف
المظاهرات كانت بتخرج من جامع الغمري
ذهبت على الكنيسة
الشيخ يخطب والقسيس يسلم عليه
الاجتماعات السرية كانت بتتعمل جوه الجوامع والكنايس بالتناوب
كانوا بيغنوا نشيد مطلعه
أرسول السلم إلى مصر انشر في الشرق لنا خيرا
عبقرية عريان يوسف وخطة السكة الحديد
وسط هذا الحماس
طلع شاب طالب في كلية طب قبطي وطني للنخاع
اسمه عريان يوسف سعد
25 مايو 1899م – 1974م
ناشط وسياسي مصري برز اسمه خلال ثورة 1919م
شارك في تظاهرات الطلبة
اشتهر بمحاولته اغتيال يوسف باشا وهبة رئيس وزراء حكومة 1919م
بدافع سياسي هدف بحسب ما ورد عنه تجنب فتنة طائفية بين المسلمين والأقباط
عقب تشكيل الوزارة
حُكم عليه بالسجن عشر سنوات من محكمة عسكرية بريطانية
لكنه أُفرج عنه بعد أربع سنوات بعفو سياسي
وقف عريان يوسف وسط الناس وقال لهم
يا جماعة الهتاف مش كفاية
الإنجليز لو دخلوا هيدخلوا بالقطار
إحنا لازم نقطع رجلهم
يقصد بقطع الرجل هنا قضبان السكة الحديد
بالفعل
بالليل وفي عز الظلام خرج الرجالة والعمال
بدأوا يفككوا قضبان السكة الحديد
ويرموها في الغيطان والترعه
لدرجة إن دورية إنجليزية جت تستطلع الأمر
وجدوا السكة مقطوعة والتلغراف مقطوع
وجدوا أعلام تركية رمز للخلافة وقتها ضد الإنجليز بترفرف على مباني ميت غمر
الظابط الإنجليزي كتب في تقريره وهو مرعوب
البلد دي في حالة تمرد شامل
مجزرة ميت القرشي
الوجع اللي ولد القوة
الإنجليز طبعا لم يسكتوا
بعتوا قطار محمل عساكر لما وصلوا عند
قرية ميت القرشي لقوا السكة مقطوعة
افتكروا إنه كمين راحوا فاتحين النار بشكل عشوائي هستيري على جنازة كانت معدية بالصدفة
راح ضحية هذا الغدر 18 شهيد
الدم غلي في عروق الناس أكتر
والموضوع مابقاش مجرد استقلال اصبح تار
بعد أسبوعين من الدولة المستقلة
الجيش الإنجليزي دخل بتقلُه
فرقة نيوزيلندية بقيادة واحد اسمه مستر شيبرد
دخلوا ميت غمر وسيطروا على محطة القطار
ونصبوا المدافع فوق الأسطح
خلاص السلطنة سقطت عسكريًا
شيبرد جاب مأمور المركز عمر بك وهبي
قال له
هاتلي أسماء الناس اللي عملوا الحكومة دي
والطلبة اللي قادوا المظاهرات
عمر بك بذكاء المصري ودهائه أنكر كل حاجة
قال له
حكومة إيه يا خواجة دول شوية عيال بيلعبوا وأعيان البلد هما اللي حفظوا الأمن
شيبرد اتجنن لدرجة إنه شتم المأمور
لكن المأمور استحمل الشتيمة وماسلمش
ولا واحد من ولاد بلده
المحامين والطلبة حاولوا يتواصلوا مع تنظيم اليد السوداء في القاهرة عشان يجيبوا سلاح وقنابل
فضلوا يقاوموا لحد آخر نفس
صحيح السلطنة انتهت ككيان
لكن فضلت رمز إن للمصري لما يعوز يعمل حاجة بيعملها إن ميت غمر مش مجرد مدينة
دي كانت دولة جوه دولة
تاريخنا مش بس فراعنة وأهرامات
تاريخنا مليان قصص بطولات لجدودنا
اللي في القرى والنجوع اللي وقفوا امام إمبراطورية كانت بتحكم نص الكرة الأرضية وقالوا لها لأ سواء كانت جمهورية زفتى أو سلطنة ميت غمر
الاتنين كانوا بيسابقوا بعض في حب مصر بلدهم
#جرجس_أبادير