.
الكاتبة الإعلامية ندين نبيل عبدالله أبو صالحه.
"بعض الجيران يعرف أكثر من اللازم"
جملة بسيطة بس وراها بيوت انكسرت، وقلوب انوجعت، وأسرار انباعت ببلاش.
في زمن صارت فيه "التوعية" سلعة، و"الفضول" مهنة، تحول بعض الجيران من سند لخصم.
بدخل بصورتك، بصوتك، بحياتك. مش عشان يطمن عشان يسرق.
يسرق خصوصيتك، يسرق راحتك، ومرات يسرق منك قطعة من عمرك.
اللي بيؤذيك مش دايماً غريب
مرات الأذى بكون من الباب اللي جنبك، أو تحتك، وغيرها.
من اللي بيسأل "شو معكِ؟ شو بلبسي؟ مين فات ومين طلع؟"
ومن اللي بتصور وبعلق وبوزع تحت مسمى "إحنا أهل وجيران".
بس الحقيقة؟
هاي مش محبة. هاي سرقة.
سرقة حرمة بيت، سرقة أمان، سرقة خصوصية ربنا نفسه حرمها.
الدين قالها قبل القانون.
حتى الله حرّم أذية الجار.
قال رسول الله ﷺ: "ما زال جبريل يوصيني بالجار حتى ظننت أنه سيورثه".
فكيف بمن يسرق جاره؟ كيف بمن ينتهك حرمة جاره ويتتبع عوراته؟
السرقة مش بس مال.
السرقة كلمة، نظرة، تصوير، نقل كلام، التدخل فيما لا يعنيك.
احترام الخصوصية مش ضعف
"ما تدخل بشؤون الآخرين" مش معناها قسوة.
معناها احترام.
حتى لو بينك وبين جارك نسب، حتى لو بينكم عيش وملح.
لكل بيت حرمة. ولكل إنسان خط أحمر..
العين اللي بتتوعى على غيرها بتنسى توعي بيتها.
والإيد اللي بتمتد لسرقة جارها بتنسى إن الرزق من الله مش من الشباك اللي جنبك.
واحترام واجب على كل إنسان
ما تحب لنفسك وأهل بيتك حبه لغيرك.
وأكل حقك في القانون... ما تسرقه أو تخبي له.
ومن سرق من بيت جاره شيء بحجة "بستعير" من دون ما يعرف صاحب البيت،
فيرجع الشيء للجارة من دون ما تعرف... يعني حرامي بستايل خاص وحساس.
ياخد من دون إذن، ويرجع شي وياخد شي تاني حسب حاجته.
وهو جار... يعني بحرّم وبحلّل على كيفه.
حرمة البيوت لها حرمة.
ازرع في دارك، واترك جارك يزرع في داره.
فمن زرع احتراماً حصد أماناً، ومن زرع تعدياً حصد ندماً.
دمتم بخير ومحبة