الكاتبة: ندين نبيل عبد الله أبو صالحه
في زمن السرعة صار "سم الكلام" أسرع وسيلة للصعود.
كلمة تجرح، إشاعة تلمع، فضيحة تبيع.
ناس بتفكر إنها إذا رمت السم على غيرها رح تعلى.
وناس بتفكر إذا سكتت رح تضيع.
بس الحقيقة سم الكلام كعلاج مزيف للصعود
اللي بستخدم سم الكلام بكون هدفه واضح
يكسر اللي قدامه عشان يطلع هو.
يشوه سمعة، يزرع فتنة، يلبس ثوب "الضحية" ويصعد على أكتاف الناس.
وبالفعل أول أسبوع بطلع ترند.
وثاني أسبوع بعمل ضجة.
وثالث أسبوع ببلش الكل يكتشف إنو الدوا اللي شربه كان مسمم.
لأن الصعود المبني على سم الكلام زي البيت المبني على كذب: ما فيه شبابيك. مخنوق.
ودمار لمن يتلفظ به
اللي برمي السم ما بضرب غيره بس.
بضرب حاله أول.
بخسر مصداقيته اليوم بكذب على فلان، بكرة الكل بقول "هذا لسانه مسموم".
وبخسر راحته اللي بعيش يشتم ويفتري بنام وضميره صاحي يحاسبه وبخسر ناسه العالم إله ذاكرة. والكلمة بترجع لصاحبها أضعاف.
وسم الكلام نفس الشي. برجع لصاحبه وبلدغه.
والحل العلاج مش بالسكوت ولا بالرد بالسم.
العلاج بثلاث حروف "حق".
نواجه بالدليل مش بالإشاعة وخلي كلامك مكتوب، مش مرمي بالهوا.
وارفض: كلمة "لا" بوجه سم الكلام هي أول خطوة نحو الحرية.
سم الكلام ممكن يطلعك درجة. بس بنزلك
ممكن يلمعك يوم. بس بفضحك العمر كله.
واللي لسانه مسموم اليوم، بكرا بدور على حدا يعطيه ترياق.
تذكروا اللي بطلع على ضهر الناس. بوقع لحاله.
واللي بحفظ لسانه. بحفظ مقامه.
دمتم في محبة