"راح السند.. والدار أصبحت خالية
والروح بعدك.. مرة وقاسية
موجوعة أمي.. والحزن في عينها دار
بتنادي باسمك.. والقلب منها نار
دمعتها حفرت.. في الوش شق طريق
بتبكي ضناها.. اللي كان أغلى رفيق
وأصحاب طفولة.. جم يودعوا الذكريات
بيفتكروا شقاوة.. وضحكة في الممرات
لفوا الحكاوي.. ووقفوا في صمت حزين
على صاحب عمر.. كان في المحن بيبين
وأخواتك البنات.. فالبيت مكسور جناحه
بيلموا هدومك.. وبيحضنوا ريحة صباحه
بيدعوا بدمعة.. وبصوت مكتوم ومبحوح
يا خوينا الغالي.. يا ساكن في الروح
حتى الجيران.. اللي كانوا ليك عيلة
بيذكروا طيبتك.. في كل ليلة
كل اللي عرفك.. شال في قلبه وجع
يا غالي فقدك.. كسر فينا الضلع
الدنيا ضاقت.. وأنا وحدي في غيابه
من طفولتك ..كنت هادي ومالك حس
زي النسمة ..مابتعال الصوت
سكت صوتك..ياحبيب اختك اللي عليك هتموت
يارب صبر قلوبنا وارحمه واغفرله وفي الجنة موعدنا
#مايسة محمد