مقال بقلم جرجس أبادير
ليه نجيب الريحاني عبقري وليه أفلامه سابقة وقتها
نشوف المشهدين اللي تحت من فيلم لعبة الست
المشهد الأول
نجيب الريحاني في بداية الفيلم عاطل مفلس بيدور علي شغل
لا يجد حتي يأكل الي ان وجد قرش واقع في الأرض فألتقطه و حمد ربنا
راوح لبياع الفول ليفطر وبعد ما بياع الفول اخد منه الفلوس بيعض القرش
ويضربه علي الرخامه اللي قدامه
اخد السندوتش من الريحاني ورجع له القرش وقال له ده قرش براني
ابعد الريحاني عن المحل كمن يبعد متسول
المشهد التاني
في نهاية الفيلم بعد ما الريحاني اغتني و اصبح عنده فلوس كتير
نزل من عربيته عشان يأكل من عند نفس بياع الفول وكان معاه القرش البراني إياه
اللي كان وش السعد عليه
طلب سندوتش فول و أعطي لبياع الفول اياه بتاع اول مشهد
القرش البراني و الراجل خده وحطه في جيبه من سكات
الريحاني قال له متبص للقرش كويس يمكن يكون قرش براني
بياع الفول قاله العفو يا سعادة البيه مفيش حاجه تيجي من سعادتك
الا وتكون حلوة
الريحاني قال له هات القرش أنا ميخلصنيش اديك قرش براني
واخد منه القرش واداله عشرة جنية
في هذين المشهدين
يرصد الريحاني فكرة بسيطة ولكن عبقرية في السرد
هو أن الناس بتاخد بالمظاهر
مجرد أن منظرك فقير يكون مشكوك في أمرك
المشهدين كان الغرض الأساسي منهم إبراز التباين في التعامل مع نفس الشخص
في ظرفين مختلفين
طبعاً في وقت عرض الفيلم كانت معظم الافلام الكوميديه في هذه الفترة
سطحية بدرجة كبيرة
لهذا سينما الريحاني عاشت مع الناس
لأنها كانت من الناس وإلي الناس
بالمناسبة فكرة الفيلم الرئيسيه هي إلقاء الضوء علي التغيرات في النفس البشرية
بعد امتلاك الثروة زي ما حصل مع تحية كاريوكا و نجيب الريحاني
فيلم لعبة الست ١٩٤٦م
بطولة نجيب الريحاني وتحية كاريوكا
سيناريو وحوار بديع خيري ونجيب الريحاني
إخراج ولي الدين سامح