الصح فين
والحق فين
كل الكلام في الحقوق
خلص كمان ومن زمان
والشكوي نجوي فى الهوي
مالهاش ودان تتسمع
تسمع عويل اللى اشتكي
ولاطفل عارف فين زمان
ولا جدو عارف له مكان
وكلام كتير ماهوش
أوانه يتحكي ولا ينكتب
ولا حتى فيه منه السلام
يادى الزمان اللي اختفي
منه الأمان ولا فيه صديق
ولا في المنام تعرف تشكيله علتك
أهي بس ماشيه
وماشية بينا و رايحه فين
مبقتش عارف
هيه ماشيه وعارفه الطريق
واللا مش عارفه العدو
واللا الصديق
حتى حالها كل يوم
من ولادها عمال يسيء
تمشي خطوه للأمام
وترجعك ورا خطوتين
وتلقي فيها سكتك عمال تضيق
مين فيها اللى سايق
واللا رايح بينا فين
مبقتش عارف فيها حاجه
هي حاره ..واللاسكه...
واللا ده آخره طريق
د /سعيد عزب