ما حدا بياخد رزقة حدا.
والحب الصادق لة ناسه، والقلب الصادق لة بيته.
لكن أنا لسه ما اخترت كعكتي
ولسه ما سميت اسمي على باب.
كلامي اليوم توضيح عام، مش إعلان ملكية.
كلامي عن مبدأ... مش عن شخص.
الحب أجمل الوجود ليس حرب
الحب مش ساحة معركة مين يربح ومين يخسر.
الحب وطن. والوطن ما بينغزى، بينبنى.
ما بينقسم غنائم، بينقسم حضن ودفا.
فاللي قلبه مليان. ما بيسرق لقمة من صحن غيره.
واللي روحه شبعانة ما بتجوع على مائدة غيره.
كل واحد إله كعكته اللي انخبزت إله من قبل ما ينولد.
بتستنى إيديه، بتستنى ريحة قلبه، بتستنى يقول: بسم الله.
والقسمة مش ظلم ولا عدل. القسمة حكمة.
في ناس كعكتهم جاءت بسرعة ، وفي ناس كعكتهم بتنخبز على نار هادية.
وكل التأخير إله حكمة عشان لما توصل الكعكة، نعرف قيمتها.
نعرف نفرق بين الجوع وبين شبعان
لا تشمت بحدا، ولا تقارن كعكتك بكعكة غيرك.
افرح بكعكة غيرك من بعيد، واحضن كعكتك لما تجي.
لأن الحب لما بيجي صح.بيجي كريم.
ما بيجي ناقص ولا بيجي يجرح.
بيجي يقول: تعبك ما راح هدر يا صاحب القلب.
اللهم ارزق كل قلب كعكته.
اللهم اجعل حبنا سكن، مش سكنة.
واجعلنا من اللي بيعرفوا يحبوا. قبل ما يطلبوا ينحبوا.