وشك بشوش..... يا ولد
فيه البراءه ....بتتولد
ترعب جيوش
والبسمة راسمه الإنتقام
على جناح الحمام
مهما قالوا فيه... إتفاق
أوفيه سلام
كل اللى بينا بندفنه.... جوه القلوب
وبيصحى غصب عننا ...وقت اللزوم
ساعه الإنتقام
أصل البطوله.... مش بالسلاح ولا بالفحوله
ولا باللماضه.... وكتر الكلام
والبسمة راسمه...... الإنتقام
م اللى خياله...... ساكن شيطان
لو كنت عنه..... ف يوم بعيد
أو حتى جارك ع الحدود
أوشفته يوم ..ينشر سمومه....ع الشاشات
يهدم بيوت...... يقتل ولاد
أو حتى لو شفته ....فى المنام
لازم فى يوم...... منه أنتقم
وآخد بحقيى منه ...وحق اللى راح دمه هدر
يدخل يدنس أرضنا
يقتل ويسرق أهلنا
ويقول سلام ....فين السلام ؟
فى القدس..... وف أرض الميعاد
دم الشهيد عمر ما .....يمحيه الورق
ولا اتفاق مع القرود أو اللئام
أو كلمه تطفى قلب أم..... اللى علي إبنها إتحرق
مين اللى قال ان اللى زيك
ممكن يوم يموت
الموت فعلا قدر
عاللى مالوش ضمير.... ولا حتي صوت
فيه ناس كتير تملا.... الحياه بالكلام
وناس كلامها ...رصاص ونار
تخلق حياه... وتخلق وجود
د.سعيد عزب