بقلم الشاعر/ سعيد سعيد أمام
الوفا عملة نادرة في زمن بقى كله حساب
ناس تبيع عشرة سنين عشان مصلحة أو باب
وناس تحفظ الود لو طال الغياب
وتفضل على عهدها مهما جرى من عذاب
الوفا مش كلمة تتقال في وقت السلام
الوفا يبان وقت الشدة والآلام
وقت ما تضيق الدنيا ويكثر الخصام
وتبقى محتاج قلب صادق مش مجرد كلام
كم صاحب كان دايم الضحك والابتسام
يقول لك أنا أخوك في كل مقام
وأول ما هبت ريح التعب والظلام
اختفى كأنه ما عرفك يوم بين الأنام
وكم إنسان بسيط قليل الكلام
لكن قلبه مليان صدق واحترام
تلاقيه أول واحد وقت الزحام
وآخر واحد يسيبك قبل الختام
الوفا إنك تحفظ العيش والملح والزمان
وما تنكرش جميل اتعمل معاك بإحسان
وتفضل فاكر أصحاب الفضل والامتنان
مهما كبرت في الدنيا أو علا شأنك بين الخلان
شوف الشجرة اللي شربت من المطر
تفضل طول عمرها تطرح ثمر
ما تنساش الخير اللي نزل عليها وانهمر
وكأنها بتعلمنا معنى الوفا والأثر
وفي ناس أول ما تلمع في المكان
تنسى اللي وقفوا جنبها في أول الزمان
وتفتكر نفسها وصلت بقوتها كمان
وتنسى إن الفضل بعد ربنا للإنسان
الوفا بين الأخ وأخوه في المحن
وبين الصاحب وصاحبه طول الزمن
وبين الزوجين مهما زادت الفتن
وبين كل قلب عرف معنى السكن
كم أم تعبت سنين بلا مقابل أو ثمن
وكم أب شال هموم عمره في صمت وما انحنا
أقل الوفا ليهم بر وإحسان حسن
وده دين في رقابنا طول الزمن
الوفا إنك تفرح لفرحة غيرك بصدق
وتواسيه لو ضاقت عليه الطرق
وتمد إيدك من غير رياء أو نطق
وتبقى سند ليه وقت الغرق
شوف البحر حافظ للنهر الجميل
يستقبله مهما طال الرحيل
وكأن الطبيعة بتقول لكل أصيل
الوفا أصل ثابت مش شيء قليل
الدنيا علمتنا إن الوفا رزق كبير
أغلى من الذهب والمال الكثير
وصاحب الوفا بين الناس سفير
للخير والصدق والقلب المستنير
في ناس تموت وسيرتها تعيش
لأنها ما باعتش الود وما خانتش العيش
وفي ناس رغم وجودها ما تساويش
لأنها نسيت المعروف وما حفظتهوش
خدها نصيحة من قلب شاف اشكال وألوان
الوفا ما يتقاسش بمال أو سلطان
الوفا موقف وقت الضيق والامتحان
وبيبان معدنه في أصعب الأزمان
لو رزقك ربنا بصاحب وفي وأصيل
حافظ عليه وما تفرطش فيه ده فعلاً جميل
ده كنز حقيقي وعمره ما له بديل
ووجوده في العمر فضل جليل
ازرع وفا تلقى وفا في كل مكان
وخلي الإخلاص دايم عنوان
تعيش محبوب بين كل الخلان
ويبقى ذكرك طيب على مر الزمان