معدن حر
الدنيا غابة والنفوس صبحت ورق محروق
واللي نسي طبع الرجال دايمآ يبات مخنوق
يا مدعي التقوى والنية فيها شقوق
بكرة الحساب يجمع وتعرف مين اللي فوق
بتبيع في ذمتك لاجل القرش يغنيك
ونسيت إن الكفن ملوش جيوب تدفيك
بكرة السنين تدور والوجع يصحيك
وتشوف بعينك ندالتك وهي بتهد فيك
ما تماشي غير الاصيل اللي في الشدة يبان
ولا تدي سرك لندل خان العيش والملح بدخان
المرجلة أفعال مش رصة كلام بلسان
واللي يبيع كرامته يعيش في عينه جبان
خبطة دروس الزمان بتعلم اللي ناسى
إن الأصول ثابتة لو زاد عليك القسى
يا قلب فوق من العشم واقطع خيوط الأسا
ده الفجر مهما اتأخر بيمحي غيم المسا
المعدن الحر يلمع مهما طال بيه الغبار
واللي خان العهد بكرة يذوق طعم المرار
خليك كيان عالي وصامد زي الحجار
واللي باع بالرخص يخرج من جنة الأحرار
كلمات شاعرالبسطاء سعيدسعيدامام