شعور غريب
لما يكون الهروب ....هو الحل الوحيد
لما تكون وحيد أو ضعيف ...
وملكش ضهر ..واللا حيله ...في الطريق
أو سند فى الوطن ...
تلقى الخواطر والمخاطر ...تسبقك.....
للهروب لليأس.....
تزرع فى وجدانك وهن ...
تفضل وحيد.وطاير زى ريشه ...
ومالكش وزن .ولا ثمن ....
تبقى مش عارف تعمل إيه .....
والدنيا كلها مش راضيه...
ترضي بيك..... أو عليك
حتى شكلك مش لطيف ....
رغم انك أصلا وسيم ....
وحتى كمان دمك خفيف ....
لوكنت حتى البطل الشديد...... واللطيف ....
وحتى لوكنت الأول .....فى السباق.....
تلقى كل الجمهور..... بيسقف للأخير .....
تبقى مش عارف تضحك..... واللا تبكى.....
واللا تخرج.... م السباق ......
.وتسيب التراك..... للى.... بيقص النجيل....
ويكمل هو السباق ...علشان باله الطويل...
كل اللى انت عايزه...... تأخد بس حقك ....
مش كتير ....
او تاخد مكانك فى الطابور .....
وانت فى الحقيقه ....
.افضل بكتير م الدليل ....
واللا لما تكون طيار .....ويقولوك .....
محتاجين.... وبس..... سواق لتوكتوك.....
لأجل ما الواد....حمكشه شغلوه....
وإختاروه.... طيار برخصة
و مضروبه ....و بدرجه سفير
لأجل عمه.... كان وزير .....
واللا تكون أديب وشوقى.... أو نجيب
واللا إحسان .....أو أنيس ....
ويقولولك محتاجينك بس .....
للأطفال جليس ....
تبقى مش عايز تنام .....
وحتى لو نمت تبقى مش عايز .....
برضو تصحى ....وأصحى ليه ....؟؟؟
لما أكون فى عيون الناس والنظام ....
هش و ضعيف .....أو مليش ميزان ...
واللا أكون عند الوطن ....
.يمكن كمان مليش وجود ....
.او أى حاجه ع الرصيف .....
وماليش حقوق .....
يبقى الهروب م الوطن هو بس ......
حلى الوحيد...والسليم.....
الحقيقه مابقيتش عارف ....
مين اللى بيحكم فى البلاد ....
القانون..... واللا الضمير ....
دا القانون فرقوه.... ع المسؤلين ....
وكل واحد ....أخد له ماده .....
وعمل منها المخده....
بتريحه.... وبينام عليها.... فى السرير ....
والضمير بقي سلعه بايره ....
ملهاش طلب .....ملهاش عزيز ....
صدروه للأجانب....هما أولي...
أو للى لسه هيبتدى مشواره بره .....
من جديد .... اوبيهرب فى الطريق ....
يمكن يفيده... لحد مايعمل قانون ....
وبلاش عتاب .... وبلاش ألوم....
إن كان دا سبت..... أو حتى حد ....
لازم يعدى..... وأهو.... برضو يوم ...
وبكره تيجي..... أيام كتير ....
يمكن يتولد..... فيها الضمير ....
بس يومها ..... مش هكون.هنا ....
فيها الغفير....واللا الحقير....
واللا حتى...... هأكون .....فيها الوزير ..
يومها هنكون كلنا .....
عند حاكم عدل ....ولا فرق عنده بين وزير
أو غفير ....
د / سعيد عزب