بقلم/نشأت البسيوني
في وقت معين الانسان يحس انه اتخنق من كل شيء من الكلام ومن الناس ومن الروتين ومن التفاصيل اليومية اللي ما بقتش تتشاف يحس انه مش قادر يكمل نفس الدائرة ولا عايز يسمع نفس النصايح ولا جاهز يتحمل نفس الأعباء اللي بقت تقيلة على قلبه
الإحساس ده مش ضعف ومش هروب الإحساس ده نداء داخلي بيقولك إنك محتاج توقف محتاج تهدي محتاج تتراجع خطوة
علشان تقدر تشوف الصورة كاملة ولما التزهق يوصل لقمته
تبدأ تعيد حساباتك مين يستاهل وجودك ومين بياخدك على قد طيبتك مين يضيف ليومك ومين يسحب طاقتك مين بيطبطب عليك ومين بيزود وجعك وتكتشف إن كتير من التعب مش جاي من الحياة التعب جاي من الناس اللي أنت سايبهم يدخلوا حياتك
والضوضاء اللي أنت سمحت لها توصل لجواك والضغط اللي أنت
حملته على نفسك من غير ما تحس وتبدأ تعمل اللي كان المفروض تعمله من زمان تبعد عن كل شخص بيستهلكك وتقرب من اللي بيهديك وتسكت بدل ما تشرح وتنسحب بدل ما تثبت وتختار راحتك قبل أي حاجة وتتعلم إن الزهق مش نهاية ده بداية مرحلة جديدة مرحلة هدوء ونضج وفهم مرحلة فيها تشوف نفسك الأول
وتبطل تلاحق أي شيء ما يضيفش لقلبك حاجة تدرك إن اللي كنت
فاكره انهيار هو في الحقيقة إعادة بناء وإن الزهق اللي كان بيخوفك هو اللي هينقلك للمكان اللي تستحقه لأن أوقات كتير
أجمل البدايات بتتولد من لحظة ملل اتحولت لصحوة