بقلم جرجس أبادير
خلال مسيرته الفنيه تحول عادل امام من الكوميديا الي االكوميديه الاجتماعيه
الي الكوميديه السياسيه الي التراجيديا السياسيه
كان من أهم أفلامه التي اعتقد المشاهد وهو يدخل السينما
أن يجد فيلم كوميدي لعادل أمام و معه عبد المنعم مدبولي ويونس شلبي
لانه في ذلك الوقت كان اتجاه عادل امام كوميدي
لكن صعق المشاهد عندما صدم بهذا الكم من الحزن والتعذيب
في فيلم
احنا بتوع الاتوبيس
اعتمد عادل امام علي شعبيته الكبيره
فطرح عدة افلام بجرائه لا يقدر عليها غير عادل امام
خاصه مع الكاتب وحيد حامد
لا ننسي طيور الظلام ، الإرهابي ، المنسي ، حب في الزنزانه ، المولد ، الافوكاتو
هذا الحوار الرائع من فيلم احنا بتوع الاتوبيس
بين عادل امام و سعيد عبد الغني
_انت بتشتغل ايه يا جابر ؟؟
=في جمعية الرفق بالحيوان
_معاك مؤهل ؟؟
=ايوه بكالوريوس علوم قسم جيولوجيا
_ قسم جيولوجيا !!
بكالوريوس علوم قسم جيولوجيا
و يشغلوه ف جمعية الرفق بالحيوان بذمتك دي دولة !!
ده شيء فظيع ، مش انت معايا كده برضه ؟؟
=انا معاك يا بيه معاك ونص بس حعمل ايه العين بصيرة و اليد قصيرة
_انا يتهيألي يا جابر ان ده قتل لطموح الانسان و آماله ف المستقبل
=ده اكثر من القتل و الله يا سعادة البيه
_اكيد شاب زيك يبقى عايش وهو غير راضي تماما على الاعمال الغلط ....
باين عليك ولد طيب و سياسي
=و الله يا فندم انا طول عمري كده
_يعني السياسية في حياتك من زمان ؟؟
=من صغري يا فندم
_و مين بقى علمك السياسة ؟؟
=والدي
_هو كمان سياسي ؟؟
=معندكش فكرة يا فندم سياسي درجة اولى هيعجب سعادتك
كان دايما بيقولي يا جابر يا جابر سايس الناس يا جابر
_هايل يا جابر هايل على العموم انا سويت المسألة كلها بنفسي..
اكتب عندك :
و بسؤال المتهم افاد انه متحصل على بكالوريوس علوم قسم جيولوجيا
و قد عينته القوة العاملة في جمعية الرفق بالحيوان
مما اثار في نفسه غضانة تحولت الى حقد شديد
و قال على حد تعبيره انهم قتلوا فيه الانسان
ومن هنا قرر ان يعمل من خلال التنظيمات السرية لقلب نظام الحكم
كما اعترف انه طوال حياته كان يعمل بالسياسة مع والده
=يا سعادة البيه يا سعادة البيه
_ايوه يا جابر
الكلام ل سيادتك بتمليه عني انا ؟؟
_طبعا مش ده كلامك !!
مش دي اعترافاتك ؟؟
لا يا بيه سيادتك تتكلم في حاجة و انا بتكلم في حاجة
السياسة بتاعتنا غير السياسة بتاعتكم
احنا بنسايس الناس بناخدهم على قد عقولهم مبنزعلش حد
انما السياسة بتاعتكم احنا مبنفهمش فيها
انا غلبان و ابويا غلبان يا بيه احنا ناس على قد حالنا
انا امي و أخواتي غلبانين ..
احنا بتوع الاتوبيس يا بيه
فيلم احنا بتوع الاتوبيس ١٩٧٩
عادل امام ، عبد المنعم مدبولي ، سعيد عبد الغني
مشيره اسماعيل ، يونس شلبي ،جمال اسماعيل
اخراج. : حسين كمال
الحان : بليغ حمدي
تأليف. : صابر فاروق
#جرجس_ابادير