عاجل موافقة رئيس الشركة القابضة للكهرباء نصر علي زيادة بعض البدلات

 

بقلم/نشأت البسيوني

في كل حياة في كلام ما اتقالش جواك جمل كاملة اتحبست في لحظتها ومشاعر ما خدتش طريقها للخارج وقرارات كان لازم تتشرح لكن فضلت معلقه في الصمت كأن الإنسان عنده نسخة تانية من حياته بتعيش في الداخل بس محدش بيشوفها وتبدأ تلاحظ إن اللي ما اتقالش أحياناً بيكون أثقل من اللي اتقال فعلاً لأن الكلمة اللي بتطلع بتخلص لكن اللي بيتحبس جواك بيكمل وجوده في كل

لحظة سكون في كل تفكير قبل النوم في كل مراجعة لنفسك من غير سبب واضح وتسأل نفسك ليه بنسكت ليه بنخبي ليه بنأجل الكلام لوقت تاني عمره ما بييجي يمكن خوف يمكن تردد يمكن رغبة في تجنب الألم لكن مع الوقت تكتشف إن الصمت الطويل بيخلق حمل داخلي ما بيخفش بسهولة ومع التجربة تفهم إن ما لا يقال مش دايماً ضعف أحياناً بيكون حماية وأحياناً بيكون عجز

وأحياناً بيكون تأجيل مؤلم لحقيقة لازم تتقال لكنك ما كنتش جاهز ليها وقتها وتلاقي نفسك مع الوقت بتتعلم تختار متى تتكلم ومتى تسكت مش كل شيء يستحق أن يُقال في لحظته ومش كل صمت يستمر للأبد لكن المهم إنك ما تخليش الكلام يتراكم لدرجة يتحول لثقل يضغط عليك من الداخل تدرك إن الحياة مش بس في الأفعال الظاهرة لكنها كمان في المساحات غير المعلنة في الحوارات اللي ما

حصلتش وفي الكلمات اللي فضلت جوهك وفي القدرة على إنك تحوّل الصمت من عبء إلى وعي