يا قرية الجميزة يا أصل وفصل وعنوان
شجرتك "تاج" على الراس، باقية بمرور الزمان
عاشت وشافت ملامحنا وهي لسه صبا
ورسمت في ضلها حكاوي الحب والمحبة
يا ضلها العالي، يا حارس بيوتنا والقلوب
فيكي ريحة الأهل، وفيكي بنسى أي كروب
تفضل فروعك لفوق، ساندة السما بإيديكي
وكل ما نشتاق لـ "زمان"، نيجي ونرتمى فيكي
يا ساقية الذكريات لفي وبوحي بالأسرار
عن قعدة حلوة زمان تحت شجرنا الكبار
يا شجرة الجميز يا شاهدة على اللي كان
حضنك وسيع وحنين، جواه دفا وأمان
كنا عيال والضحكة مالية وشوشنا نور
نجري ورا بعضنا، والقلب طاير كما العصفور
نطلع على غصونك، وندق مسمار الحكاوي
ونرسم بضلك حلم، من كل لون وتهاوي
يا ما شبعنا من خيرك، وطعمه سكر وشهدي
وفـ ضلك السارح، كان بيحلو الود والعهدي
والجد يحكي حكاية، والريح تهز الفروع
ننسى الدنيا وما فيها، ولا نعرف يوم دموع
يا ريفنا يا طيب، فيك الجميزة عنوان
باقية في وسط الغيط، بتحكي عن زمان
اشتقنا للّمة، واللقمة والضحكة اللي من القلب
ولحضنك الدافي، يا شجرة العيلة والود والقرب
#متمردة..!!