عاجل موافقة رئيس الشركة القابضة للكهرباء نصر علي زيادة بعض البدلات

 

 

بقلم/نشأت البسيوني

في لحظة معينه القلب بياخد قرار من غير ما يستأذن حد قرار مش بيطلع بصوت ولا بيبان في كلام لكنه بيتحس جوه الانسان كأن زرار اتطفي كأن حاجه كانت شغاله طول العمر وقفت فجأه من غير ما ترجع تاني القلب ما بيقفلش من موقف واحد ولا من كلمة واحده القلب بيقفل من تراكم طويل من تجاهل من استهانه من محاولات كتير ما اتقدرش ومن مشاعر اتبذلت في طريق ما رجعش

منها حاجه القلب لما يوجع مرة يطبطب على نفسه مرتين لكن لما ينكسر عشرات المرات خلاص بيتعلم يحمي نفسه ولما يقفل ما يرجعش زي زمان ما يعرفش يدي بنفس السهوله ولا يصدق بسرعه ولا يسامح من غير ما يفكر القلب لما يقفل بيبقى واقعي اكتر هادي اكتر واعي اكتر مش علشان بقى أقسى لكن علشان ما بقاش مستعد يدفع نفس الثمن مرتين والناس اللي حوالينا ما بياخدوش بالهم من

اللحظه دي يشوفوا سكوت يشوفوا برود يشوفوا تغير بس ما يشوفوش الوجع اللي وصله للنقطه دي وما يعرفوش ان اللي باين برود هو في الحقيقه بقايا روح كانت بتحاول تتماسك وفي الآخر الانسان يفهم إن القلب مش معدن بيتصلح ولا باب يتفتح بالعافيه القلب لما يقفل يبقى بيحمي صاحبه من طريق كله تعب ومن علاقه كلها استنزاف ومن وهم كان ماشي وراه وهو مغمض ولما يفهم ده

يعرف ان القفل مش نهايه القفل بدايه لنسخة اذكى اقوى واكثر احترام لنفسها ومش هترجع تتأذى بنفس الطريقه تاني