--
قالوا زمان في المثل
( الكدب مالوش رجلين )
وانا باقول لك والنبي
ما تستمع للشين
إللي كدب مره ..
يكدب عليك ستين
الكدب غول في الدم
شيطان كابوس مزعج
لا بيهدى أو يرتاح
يقيد في ناره ياجج
ياكل في لحم الغل
يشرب في دم الأذى
ما يجي من خلفه
إلا فساد ودمار
يدهس صباح الحق
ويعلا بالباطل
يدخل نفوس البشر
يستوطن الضعفا
ويسوق قصاده عبيد
كالغنم يرعى
الكدب زي النصب
مثل العدو المحتال
يرمي شباك مكره
يصيد بساريا البشر
وكل عقل جهول
وكل أعمى النضر
يعجز يصيد الحوت
وابو فكر زي الأسد
الكدب زي المرض
يطول أذاه العقل
ويجره في متاهه
يقفل عليه الباب
لا يطول دوا يشفى
ولا يمكنه الإفلات
يا سامعى بالله
اتحرى قول الحق
الحق حق الله
ما ينطوي لباطل
وزيح شيطان الكدب
عن سكتك دايماً
تسلم تعيش في النور
نور الإله يرعاك
ولا تنسي يوم المثل
حطه قصاد العين
الكدب غول في الدم
الكدب شر مبين
--
نبيل مصيلحي