نطالب بتطبيق أقصى عقوبة على كل تاجر مخدرات
لأن تاجر المخدرات لا"يبيع بضاعة"…وانما يبيع موت.
يخطف شباب.ويهدد أمن المجتمع
لكن لا رحمة لمن يتاجر بسموم تهدم بيوت الناس.
الآيس مش مزاج…
الفودو مش أعشاب…
والبودر مش "تجربة وعدّت"…
فهذه مصانع موت تعمل 24 ساعة متواصلة
فمن بياخد الآيس (الشابو) لايضيع نفسه فقط … بل يفقد عقله
فتركيزه يدمر، أعصابه ، وشخصيته تتبدل الي
عدوانية، شك، هلاوس… حتى يصل لمرحلة ما يعرفش نفسه.
المخدرات المُصنَّعة ليست "مزاج"…فهى تجارب كيميائية على جسمك.
الآيس بيمسح مخك، الفودو بيكسر إدراكك، والبودر ممكن يوقف قلبك فجأة.
النهاية واحدة: سجن… مستشفى… أو موت.
واللي بيقرب من الفودو أو الاستروكس فاكرها أعشاب…
وهو في الحقيقة بيستنشق مواد كيميائية معمولة في معامل تحت السلم.
دفعة عن دفعة بتختلف… ممكن مرة تعدّي، ومرة توقف قلبك فجأة.
أما البودر… اسم دلع لمواد ممكن تنهي حياتك في دقيقة نزيف مخ، توقف تنفس، انهيار عصبي…
وكل هذا من اجل لحظة وهم اسمها "تجربة".
💔 الحقيقة اللي لازم تتقال
المخدرات المُصنَّعة أخطر من الطبيعي أضعاف.
لأنها:
تركيبتها مجهولة
تأثيرها غير متوقع
إدمانها أسرع
ونهايتها أقسى
✋ رسالة لكل شاب
اسمعها كويس 👇
✔️ الرجولة مش في السيجارة ولا في الجرعة.
✔️ القوة إنك تقول "لأ" وسط ضغط صحابك.
✔️ حياتك أغلى من لحظة مزيفة.
✔️ أهلك مستنيين يشوفوك ناجح… مش متهم أو مريض.
لو حد عرض عليك مخدر:
امشي فورًا
اقطع علاقتك بيه
اختار صحبة نظيفة
اشغل وقتك برياضة أو شغل أو تطوير نفسك
إدمانك مش بيأذيك لوحدك…
بيكسر أم… بيهدم بيت… وبيضيع مستقبل.المخدرات مش رفاهية… دي حرب.
يا تختار حياتك…
يا تختار طريق نهايته سجن أو قبر.
القرار في إيدك… قبل ما يبقى في إيد غيرك.
كتب/محمد ابراهيم