عاجل موافقة رئيس الشركة القابضة للكهرباء نصر علي زيادة بعض البدلات

 

بقلم/نشأت البسيوني

في وقت معين من العمر تكتشف إن في ظل ماشي جنبك طول السنين من غير ما تاخد بالك ظل مكنش جاي من نور ولا جاي من شخص كان جاي منك انت من تعبك من خوفك من اسرارك اللي ما قلتهاش حتى لنفسك من حاجات دفنتها جوا قلبك لحد ما نسيت إنها لسه عايشه والغريب إن الظل ده ما بيظهرش وقت الفرح ولا وقت القوة ولا حتى وقت النجاحات لكنه يظهر في اللحظات اللي

بتنهار فيها فجأه في اللحظات اللي تحس فيها إن النفس ضاق وإن العالم بقى أضيق من السكه وإنك واقف لوحدك في وش موج عالي ما بيرحمش لا اللي بيعرف يعوم ولا اللي غرق من زمان وتلاقي نفسك بتفتكر كل مشهد عدّى عليك كل غلطه افتكرتها بسيطه وكل وجع قلت إنه هيفوت وكل حد خد من روحك جزء ومشي من غير ما يبص وراك وتكتشف إن الظل ده هو تراكم كل الحاجات اللي

سكت عليها كل الوجع اللي ما حكيتوش كل الصدمات اللي استقبلتها وانت واقف كأنك جبل بس لما تبص عليه كويس تلاقي إن الظل مش مرعب زي ما كنت فاكر تلاقي إنه دليل إنك عشت كتير عديت على نار واتلسعت من ناس كنت شايفهم نجوم وخيبتك فيهم كانت ليله طويله من غير قمر ودخلت معارك ما طلعتش منها منتصر بس طلعت منها واعي وده أصعب أنواع الفوز وتفضل ماشي

ومع كل خطوة تتأكد إن الظل ما هوش عائق ده جزء منك جزء اتخلق ليفكرك إنك مش ضعيف زي ما كنت فاكر وإنك مهما اتكسرت كنت بترجع تتلم وإنك مش محتاج تثبت لحد إنك قوي لأن اللي بيثبت قوتك هو إنك لسه واقف رغم كل حاجه حاولت توقعك

وتفهم إن الانسان مش محتاج يمشي من غير ظل الانسان محتاج يتصالح معاه يشوفه كويس يحترم الحاجات اللي عدت عليه

يحضن نفسه اللي اتعورت ويسيب القسوه اللي جوه تهدى لأن الظل مش علامة خساره الظل علامة حياة علامة إنك عديت ونجوت وقومت ورجعت تاني وساعتها تمشي وانت مش خايف من اللي جاي لا لأن الدنيا بقت أرحم ولا لأن الحظ اتعدل لكن لأنك عرفت إن الروح اللي شالت حملها لوحدها تقدر تكمل المشوار من غير ما تحتاج ناس ما تستاهلش