عاجل موافقة رئيس الشركة القابضة للكهرباء نصر علي زيادة بعض البدلات

 

بقلم/نشأت البسيوني

في لحظه من لحظات التعب اللي بتيجي من غير ميعاد بنلاقي نفسنا واقفين قدام مرايه مش عارفين مين اللي واقف جوانا مش فاكرين بدقه احنا اتغيرنا امتى ولا اتغيرنا ليه بس اللي نعرفه ان العمر بقى اسرع من افكارنا وان الناس اللي حوالينا بقت بتعدي زي الهوا مابيسيبش اثر غير في اللحظه اللي يقرر فيها يبرد او يسخن ويمشي من غير ما يستنى حد وفي وسط الجري ده بنخاف نعترف

ان في حاجه جوه كل واحد فينا اتكسرت من زمان حاجه كنا فاكرين انها بسيطه بس طلعت هي اساس كل حاجه كنا بنحارب عليها من اول خوف البدايات لحد مرارة النهايات اللي محدش فينا بقى مستعد يشيلها على قلبه اكتر من كده المشكله اننا بقينا بنلبس قناع الرضا واحنا جوانا صراخ محدش سامعه غير ربنا وبقينا نحط نفسنا في دايره العلاقات اللي مش مفهومه علاقات شكلها جميل

بس من جوه فاضي زي بيت مهجور محدش بيقرب منه غير لما يدور على حته يهرب فيها من نفسه وساعات كتير نتوه وسط كلام مجاملات ومواقف مالهاش معنى وقلوب شكلها طيب بس نيتها مش دايما صافيه ونقعد نقنع نفسنا ان احنا اللي غلطانين مع ان الحقيقه ان اللي حوالينا هما اللي اتغيروا ونسوا ان الكلمه الطيبه مش ضعف وان الصمت مش هروب وان الطيبه مش بوابه لحد

يعدي منها ياخد اللي هو عاوزه ويمشي ومع كل ده نكمل نمشي الطريق اللي ما حدش بيعرفه غير اللي بيحاول يعيش يومه من غير ما يتكسف من جرحه ولا يخاف من حزنه ولا يخبى انسانيته اللي بقت حمل تقيل في زمن بقى فيه التفاهم عمله نادره والاحترام شبه اختفى والقلوب بقت بتتغير اسرع من دقات الساعه والناس بقيت بتدخل حياتك بسرعه وتطلع منها بسرعه اكبر من غير ما

تسيب غير سؤال واحد ليه ومع ان الدنيا بقت اغرب من اللي كنا فاكرينه لسه جوا كل واحد فينا نور صغير بيصحى كل ما حد يقول كلمه صادقه او يعمل مواقف بسيطه بس بتعوض تعب سنين ولما النور ده يبان حتى لو لحظه صغيره نعرف ان لسه في امل وان لسه في حاجات جميله مستنيا اللي يفهمها ويحسها ويحافظ عليها

واحنا ماشين بنكتشف اننا مش لازم نرضي حد ومش لازم نثبت

نفسنا لحد ومش لازم نقلق من اللي راح ولا نخاف من اللي جاي كل اللي لازم نفهمه اننا في رحله طويله مهما اتلخبطت خطواتنا هنوصل في النهايه للحته اللي كانت مستنيانا من الاول حته فيها راحه فيها طمأنينه فيها يقين ان كل حاجه عدت كانت لحكمه وكل حاجه موجعه كان لازم نتعلم منها وكل قلب دخل وخرج كان بيشكل فينا حاجه ولو بسيطه وفي اخر الطريق بنلاقي ان احنا

ماكناش بندور على الناس ولا على السعاده ولا على الامان احنا كنا بندور على نفسنا الحقيقيه اللي ضاعت وسط زحمه الدنيا ومع اول لحظه نلاقيها ونفهمها نعرف ان العمر اللي فات ماكانش ضايع كان بيشكلنا ويجهزنا للي احنا عليه دلوقتي من صبر من حكمه من قوه من نضج عمره ما ييجي بسهوله وهنا بس نبتدي نفهم ان الزمن مهما جرى احنا مش متأخرين ولا ضايعين احنا بس لسه بنكتشف احنا مين ولسه بنكمل الرحله بطريقه احسن وبقلب اوعى وبروح اقوى