علمونى يوم ميلادي
ان مصر ليه ام
علمونى ان بلادي
بالنسبة لى روح ودم
لما امى رضعتني
قالتي فى ودنى...بلدك اهم
قالت ياولدى احمى ارضك
راح فداها خال وعم
قالت ياولدى بلدك امانه
قالت كمان المهانه فى الخيانه
قالت ياولدى حب الوطن ديانه
مهمًا تتغرب لوطنك تحن
علمونى حاجات كتير
علمونى معنى الجهاد
قالوا لازم اكون مجاهد
والجهاد يعنى اجتهاد
عرقى يكون علينا شاهد
ابنى فى أرضي ألف شاهد
فى العمار دايما اساعد
علمونى الحب الحقيقي
لازم يكون الخير طريقي
علمونى اكون مواطن
حب بلدى ظاهر وباطن
علمونى فى الطفولة
يعنى ايه هى الرجوله
والشجاعه والبطوله
علمونى ازاى ادافع
عن بلادى بالسيوف وبالمدافع
قلى جدى كلمه فى ودني
اوعاك تسمع يوم اشاعه
اوعاك تصدق يوم عدوك
لو يقولك ان يصون مصالحك
العدو عمرة يوم مايكون لصالحك
علمونى حاجات كتيييييير
بس حذرونى اكون اناني
واعيش على بس الاماني
حذرونى من الخيانه
قالوا اوعى سيفك ينام
مهما كان فيه سلام
مع تحياتي
محمد محمود عبد الدايم