كتب تامر ياسين
في وقت كل منطقة فيه محتاجة تطوير حقيقي، ومحتاجين خدمات أوضح وقرارات أسرع، بييجي دور المجالس المحلية كحق أصيل للمواطن، وآلية أساسية لإدارة شؤون كل حي.
المجالس المحلية مش رفاهية… دي أساس العدالة في توزيع الخدمات ومفتاح الرقابة الشعبية.
المواطن النهاردة من حقه يطالب بوضوح بعودة المجالس المحلية المنتخبة، لأنها هي الجهة الوحيدة القادرة إنها:
تتابع مشاكل الشارع لحظة بلحظة
من إنارة شارع مكسور، لحد رصيف متهالك، لمشكلة صرف.
ترفع صوت الأهالي وتوصل مطالبهم للحكومة بشكل رسمي ومنظم.
ترقب أي فساد أو تقصير وتحاسب عليه.
تخطط وتنظم مستقبل كل حي بدل ما الأمور تمشي بالعشوائية.
تضمن عدالة توزيع الخدمات… ما يبقاش في حي بياخد كل الاهتمام وحي تاني مهمّش.
غياب المجالس المحلية خلق فجوة كبيرة بين المواطن والمسؤول، وخلى كتير من مشاكل الناس تتراكم من غير حل واضح أو جهة تستقبلها وتتابعها.
وعلشان كده…
مطالبة المواطن اليوم بإقامة مجالس محلية مش مجرد طلب إداري؛ ده حق دستوري وضمانة لإدارة أفضل ومحاربة الفساد وتطوير كل منطقة بجد.
رجوع المجالس المحلية = رجوع صوت الناس.
رجوع الرقابة الشعبية.
رجوع العدل في الخدمات.
رجوع الاهتمام الحقيقي بكل شارع وكل حي.