بقلم محمد صلاح الدين
لما ترتبطوا أرتبطوا بأشخاص بتحسسكم بكيانكم وقيمة قلوبكم كل يوم وفي كل ظروف
أرتبطوا بأشخاص بتحسوا معاهم بحريه روحكم مش تحسوا معاهم بقيود وسجون لأفكاركم ومشاعركم تحسوا معاهم بطبيعتكم أنها جميله ومقبوله ومش محتاجة أنها تتغير عشان تتحب
أرتبطوا بأشخاص بيضيفوا لقلوبكم براح أمان جواكم بأنكم هتفضلوا للأخر في قلوبهم بنفس درجه الحب حتي لو طريقة التعبير مختلفه لكن مش تحسوا بالخوف معاهم بيزيد وبأن بكره مش مضمون في علاقتكم
أرتبطوا بأشخاص بتخلي اللي جواكم يتنفس ميستخباش ويكونوا بيوت في وقت التوهه ويكونوا نور في وقت العتمه ويكونوا رجاء في وقت الياس
أرتبطوا بأشخاص ناضجين شافوا نواقصكم وعيوبكم ومؤمنين بأكتمال روحهم فيكم عارفين أنه هتعدي أوقات وتبقوا صعبين ومطفيين وهيفضلوا ماسكين فيكم ويمكن فعلا مريتوا بأوقات مطفيه وصعبه وكانوا جنب روحكم عارفين أنه في وقت الخلافات والمشاكل الحب لازم يزيد ويحتوي ويقدر مش يستخبي ويهرب ويبهت
أرتبطوا بأشخاص بيقروا عيونكم وحواديتها وشغفهم في لمعانها أرتبطوا بأشخاص بتفرق وياهم ضحكتكم ويتمنوا يكونوا من أسبابهم ويصلوا عشان دوامها أرتبطوا بأشخاص بتحسوا معاهم بأنها طبطبة من ربنا علي قلوبكم في وجودهم
الحب جميل بس اللي بيحس بيه
الحب مش زوجه ولا بيت ولا اطفال الحب دفء بين الطرفين بين الزوجه والزوج
الحب احترام للزوج مشاعر احاسيس موده الحب عش الزوجيه باينه الزوج والزوجه والاطفال وباب مغلق ما يتفتحش لاي حد يسبب مشاكل