كتير منا بيقول الجملة دي وبيرددها بس للأسف مش عارف ولا فاهم الحل إيه ؟... " أنا تعبان … بس مش عارف من إيه ! "
هل الجملة دي عدت على بالك قبل كده ؟ بتصحى الصبح مرهق من قبل ما تبدأ ، ودماغك مش بتسكت ، وكل حاجة بقت تقيلة … ومع الوقت ، بتحس إنك بـ" تنطفى" من جواك ... دي مش حالة عابرة… ده ممكن يكون اسمه : الاحتراق النفسي (Burnout) صدقني … بيبدأ من حتة بسيطة جدا ، بس بيكبر جواك يوم بعد يوم ... تعالوا نشوف ونعرف مع بعض ...
يعني إيه احتراق نفسي ؟
هو مش مجرد تعب … هو حالة نفسية وجسدية لما تحس إنك "فقدت طاقتك" ومش قادر تكمل … حتى لو نايم كويس أو حياتك شكلها تمام ! ودا بيظهر في 3 صور رئيسية :
- إنهاك عاطفي : بتحس إنك فاضي من جوه .
-المبالاة : مش فارق معاك شغلك ، علاقاتك ، حتى نفسك.
- فقدان الإنجاز : بتحس إنك مهما عملت … مش كفاية.
طب سببه إيه ؟ ... ياترى دا شغل كتير بدون راحة ... و ناس مش بتقدّرك ... كل الناس بتطلب منك … بس مفيش حد بيسأل عليك ... فبتحاول تكون دايمًا "كويس"، حتى لو جواك مش قادر ... وبتنسى تقول "لأ"، وتحط نفسك آخر أولوياتك
تعالوا معايا نعرف إيه هيا الأعراض ؟
- وجع في جسمك … ودماغك مش بتقف .
- بتتضايق من أقل حاجة .
- معندكش طاقة تتكلم .
- عمال بتأجل، وتهرب ، ويمكن تلجأ لحاجات تشتتك .
طب ياترى إيه الحل ؟
متقولش "أنا تمام" وتعدي
- اسمع الجرس اللي بيضرب جواك
جرب تبدأ من هنا :
*- خفف الضغط – مش لازم تعمل كل حاجة
*- خد وقت لنفسك – حتى لو 10 دقايق
*- احكي لحد – أو حتى اكتب لنفسك
*- مارس حاجة بتحبها – ولو بسيطة
*- فكّر : هل المكان اللي إنت فيه … بيخليك تنور ؟ ولا بيطفيك ؟
يبقى عليك إنك تتعلم الآتي :
- إزاي تبرمج مخك يتعامل مع الضغط ؟
- إزاي تفهم صوتك الداخلي وتعيد توازنك ؟
- إزاي تعيد تعريف نفسك… من جوه مش من بره ؟ لذلك يجب عليك أن تستعد للآتي :
استعد لكي تري نفسك بنظرة جديدة ...
استعد تشيل عنك الحمل اللي مش بتقول عليه لحد ...
استعد تشوف النور اللي جواك … من تاني ... لكي تعود
إلى هدوئك الداخلي ... وتستطيع مواجهة الحياة بكل بساطة وبدون عقد داخلية مكبوتة...عافانا الله وإياكم