كتبت// نجلاء عبدالوهاب
في موقعين علي الانترنت كانوا بيديرهم شباب بيعملوا حاجة اسمها Phishing-as-a-Service، ودي حاجة غير قانونية، بيجيلهم الهاكرز يقولوهم احنا عايزين نبعت ايميلات لشركة معينه او فرد، عشان تسرق بيانته من خلال ايميل وهمي.
فالـ الشباب اللي ورا الموقعين دول بيعملوا ادوات تساعد الهاكرز انهم يبعتولهم ايميلات تبان حقيقة وهي وهمية بغرض الاختراق، وبالتحقيق في الموضوع لقوا ان الشباب دول مصريين، (٥) شباب مصريين عمرهم ميتعداش الـ ٢٥ سنة.
الشباب دول عملوا اكثر من 240 عملية تصيد علي شركات عالمية منهم Microsoft..
الشباب دي بالتحقيق اكتشفوا انهم مصريين، وشركة Microsoft رفعت عليهم قضية فى ولاية فرجينيا، وبالتنسيق مع الحكومة المصرية والرقابة الإدارية وجهاز تنظيم الاتصالات قبضوا عليهم، وعندهم جلسة يوم 4 ديسمبر للتحقيق معاهم.