بقلم/ محمدعشماوي
♦مباحث الإنترنت مش محتاجة إن الحساب يفضل مفتوح… حتى لو قفلته أو غيرت الاسم أو مسحت البوست، منصات التواصل بتحتفظ بكل حاجة::
سجلات الدخول، الـ IP، البيانات الوصفية، حتى المنشورات اللي اتمسحت. وبأمر قضائي بيتم استرجاعها كاملة.
♦يعني باختصار:
♦قفل الحساب مش حماية
♦والاسم الوهمي مش ساتر
♦ والصورة المسروقة مش هتخليك تختفي
مباحث الإنترنت بتوصل لصاحب أي إساءة من خلال تتبع البيانات الفنية، وطلبات لمزوّدي الخدمة، ومطابقة الـ IP… والنتيجة بتكون واضحة: المسؤول الحقيقي بيتجاب مهما حاول يستخبى.
فلو ناوي تعمل صفحة وهمية وتسيء لحد أو تشوّه سمعة…
فكّر كويس قبل ما تكتب كلمة، لأنك مش غير متابع ومكشوف مهما غيرت شكل حسابك.
♦♦العقوبة القانونية:
طبقًا لقانون مكافحة جرائم تقنية المعلومات رقم 175 لسنة 2018:
السب والقذف والتشهير عبر الإنترنت عقوبتهم تصل إلى الحبس من 6 شهور إلى سنتين وغرامة قد تصل لـ 100 ألف جنيه.
وإنشاء أو إدارة صفحة وهمية بهدف الإساءة أو التشهير قد يصل إلى الحبس 3 سنوات وغرامة حتى 300 ألف جنيه.
ولو ترتّب على الإساءة ضرر لشخص أو جهة، العقوبة ممكن تعلى حسب وصف النيابة للواقعة.
♦احترم غيرك… عشان ما تتحطش في موقف ما تتمناهوش...
بقلم/ محمدعشماوي مسؤول الفريق الوطني لمحاربة الفساد بجمهورية مصر العربية