ارحموا ميتين أبونا
ارحموا الطفل الجميل
ال بات بالخوف عليل
ال شاف ذل وهوان
ال راح حقه زمان
ارحموا بنت العروبه
بنت غزة والخليل
بنت ليبيا، وال يسأل
يتحكي له ميت دليل
ولّا يووووووه
دا أنا كنت بنسى
ارحموا ميتين أبونا
ال باع وطنه ليهود
وال خد من غير حدود
وال قام يبني المُجمّع
لليهود جوه الحدود
وال قام يرقص ويفرح
لمّا جون بالكورة يدخل
ال باع وطنه بموزه
ال طول عمره بيجرح،،
وال نفض للسدود
وال ساب أرضُه لفرنسا
ولّا يووووووووووه
دا أنا كنت بنسى
وأما شفت دم ولدي
قمت قايم من ثباتي
قولت ارجّع ذكرياتي
ال راح، طب وال آتي!!؟
ولّا يوووووووه
دا أنا كنت بنسى
اِرحموا ميتين أبونا
ختوا كام مليون وكام
خدتوا أرضي والفلوس
والدهب حتى الرخام
ختوا كام مليون وكام
خدتوا خيرها من زمان
والتاريخ شاهد عيان
جاتكوا نيله
كل خيبتكم تقيله
أنتوا قولتوا احنا الأسود
طب قولولي مين جبان!!
مالكوا ذمة أو ديانه
كل أعمالكم خيانه
مذلولين للأمريكان
يووه ويوووووووه
...يا ريتني بنسى...
محمد عبد المرضي منصور
أديب مصري