الغلباوى جاى من بدري
عمال يطنطت فوقى وجنبي
شكله بيخلص عملى وذنبي
فجأة لقيته فى وضع هجوم
احكيلى حكايه اول يوم
قلت ..ياربي..اصبر ياابني
قال.. خليك فاكر بناميعاد
قلت... حاضر سبنى دقيقه
قال... انت ياجدو مش بتقول
أن الراجل عن كلمته مسئول
قلت.. طبعا المواعيد ليها اصول
قال.. ياله اتفضل قول
قلت...اول حاجه من غير حاجه
لازم تعرف أن القعدة ليها اصول
اتعلمها لازم تبقى قد القول
اوعى تقعد وكبيرواقف
أو تتكلم لو ماطلبش منك قول
قال...يعنى اقعد اخرس مثلا
قلت... اول غلطه منك افهم معنى القول
معنى كلامى اوعى تقاطع
كلام موصول اصبر
بعد كلام. غيرك تبدء قول
قول فى كلامك لو قدامك
فرصه تقول
قال...فهمت. ياجدو كمل قول
قلت... اسمع الدين أوصاني
عند كلامى بحكمه اتكلم
عشان اتعلم من متعلم
وصيةديني بتقول
ان اقعد اسمع ( ان يكون صمتي
... فكر....ونظرى عبر... ونطقى ذكر)
قال ...مش فاهم معلش فهمني
قلت... صحيح انت مجنني
اقعد واسمع صامت ساكت
بس فكر وانت صامت
حكم نظرك وخدلك عبرة
وركز دائما حتى فى خرم الابرة
عند كلامك تبقى الكلمة
منك حكمه ذكري وخبرة
قال.. كمل واحكي
قلت... اوعاك تسمح تكشف سر
او تتكلم كلمه. تضر
اوعاك تشارك يوم فى نميمه
او تجلس مجلس ظن
اوعى تسمع للكذاب أو لمنافق
اجمل قاعدة تبدء دائما
نذكر فيها اسم الله
فيها نشهد أن محمد رسول الله
قال ..كفايه ياجدو بكرة نكمل
انا رايح اساعد نيته
بس لو صرخت نيته
تعالى الحفني متصدقهاش
هي وصدقني
قلت ... لازم هتحرقهايتحرقني
سبنى وجرى لتيته سباقني
ياحجه خلى بالك الواد دة خنقني
رمضان كريم
مع تحياتى
محمد محمود عبد الدايم