الغلباوى بيفكر حيران
قاعد على جنب وقلقان
بصراحة انا خفت عليه
قلت له تعالى قول فى اية
فى بلدنا وعايشين اغراب
قلت.. فى حضانتك جابوا مهاجرين
قال.. يا جدو احنا مهاجرين
أصحابى جنبي ساكنين
من بلدى ومن نفس الطين
لكن التعليم فرقنا
خلانا خلاص مش عارفين
قلت.. طيب فهمنى اتعلم منك علمني
صحيح سنك غير سني
قال. . ياجدو زمانكم فى مدارس
معروفه علومها ولغتها
دلوقت صاحبى بيتعلم
تعليم ايطالى واسباني
وفى غيرة تعليمه امريكي
وكمان يابانى وسوداني
قدامك يتكلم صيني
وعادات بتخالف اخلاقى و ديني
عرفت ياجدو ليه متغرب
قلت.. تعالى هنا فى حضني
كلام صح وعجبنى
الغربه مش بس فى مهجر
الغربه اصولنا وعاداتنا هجرناها
وهجرنا قيمنا وياها
بأيدينا بنحطم اجيالنا
معقول دة هو وطنا
طب فين تاريخنا ولسانا
تعلمنا مفروضه بلغتنا
نتعلم تاريخنا وبيئتنا
وعلوم العصر نعربها
اطفالنا ذكائها يشربها
ونرجع تانى امجادنا
سبحان العالم علمنا
انزل قرأنه بلسانا
قول كمان يالى سمعنا
سبحان الله لغتنا تجمعنا
نحمد المولى وندعى يرجعنا
نتجمع ونعيد امجادنا
ونتقابل بكرة بأذن الله
مع الغلباوى وجدة
مالك يوسف
وجدو... محمد محمود عبد الدايم