غلباوى غاوى حركات
استحمل واخاصمه ساعات
اهو جايلى و راكبلى مخدة
بيقول لى اشحن وبسرعه
قال...هههه أنا عارف لوتسمح اهدء
أنا جاى وباخر سرعه
عشان الحق اوصل فى معادي
قلت..جاى منين وانت قدامي
قال.. ياة طول بالك انت ماسك
على الواحدة عديها واحكيلي
قلت... صحيح انت غلباوى
هنسمى الله ونصلى على نبينا
قال...عليه الصلاةوالسلام
قلت... انا عندى جمله محفورة
احفظها وافهم معانيها
قال. . طب اقولها وعشانى وضحها
قلت..بيقول الشاعر
انما الامم الاخلاق مابقيت
فأن هموا ذهبت اخلاقهم ذهبوا
قال... يلافهمني
قلت... كتيرتسمع تواريخ وحضارة
ومعالم شاهدةعن الماضي
مش كل امه ليهاحضارة
وكل امه ليها تاريخ
قال.... يا جدو هتجنني
قلت...من غير اخلاق تاريخ ماضي
بتمر عليه تلاقيه فاضي
انما لو كان تاريخ واخلاق
بتلاقى اخلاقه مباني
ومبانى الاخلاق انسان
اسلوبه تعاليم فنان
اخلاقك تصنع بطولات
بشجاعه ومتكونش جبان
ويقولوا اخلاق فرسان
وصفات الاخلاق معروفه
فيه منها الزوق والرحمه
فيها حسن معامله انسان
فيها عطف وحكمه
فيها صدق الكلمه
الاخلاق فيها امانه
لو توعد تصدق فى وعودك
الاخلاق تبنى وتعلي
وتاريخنا شاهد أخلاقنا
عظيمه معروفه أمتنا كريمه
بتحافظ على حق الجيرة
وبتحمى المظلوم وتجيرة
وتاريخنا مليان ابطال
قال.. انا عندى اخلاق يا جدو
قلت...مش باين فيك اى اخلاق
قال..ليه يا جدو انا هسيبك ترتاح
مش دى اخلاق
قلت.. ماشي فارقني ونتكمل بكرة
مع الغلباوى وجدة
مالك يوسف
وجدو ... محمد محمود عبد الدايم