د.امنيه ماهر
استشارى نفسي
اسرقى وقت بسيط من الدنيا لنفسك
الحياة مش سباق ولا لازم نفضل نجري طول الوقت.
كلنا بنكون محتاجين نوقف شوية ونبص حوالينا ونشوف الدنيا حلوة ازاي.
ليه مهم نسرق وقت لنفسنا؟
* عشان نشحن طاقتنا:
كلنا بنحس أحيانًا بالتعب والإرهاق، وده طبيعي.
بس لما ندي لنفسنا فرصة نرتاح ونعمل الحاجات اللي بنحبها،
بنرجع نشعر بالنشاط والتفاؤل.
* عشان نحس بالسعادة: مش لازم نعمل حاجات كبيرة عشان نحس بالسعادة.... ممكن نعمل حاجات بسيطة زي قراءة كتاب، أو الاستماع لحاجه بتحبيها، أو المشي في مكان هادي،أو مقابلة صديقة ..
* عشان نكون أكثر إنتاجية: لما نرتاح ونكون مبسوطين، بنقدر نفكر بوضوح ونشتغل بشكل أفضل.
* عشان نحافظ على صحتنا ونفسيتنا:
الإجهاد المستمر بيأثر على صحتنا النفسية والجسدية.
طيب ازاي نسرق وقت لنفسنا؟
* حددي لنفسك وقت :
خصصي وقت كل يوم حتى لو كان قصير، عشان تعملي حاجة بتحبيها.
* ابعدى عن المشتتات: اقفلي التليفون، واقفلى الباب، وركزي مع نفسك ومشاعرك
* جربي حاجات جديدة: استكشفى هوايات جديدة أو أماكن جديدة.
* اقضي وقت مع نفسك: خليكى لوحدك شوية، وفكرى في حياتك وأهدافك.
نصيحة أخيرة:
متخليش حد يقولك إنك بتضيعى وقتك لما بتعملي حاجة لنفسك.
بالعكس لما تسرقي من يومك ١٠ دقايق لنفسك هترجع لمهامك بنفسية احسن وطاقه أكبر
وخليكى على طبيعتك، واستمتعى