كلمات / يوسف عطاالله
لما أكون زعلان وماشى على الطريق
وفاقد الرفيق
صاحبى إلى طول عمره بيركب جنبى
فى الكرسى قدام
باعنى وراح لغيرى ونسى خيرى ولاف
على غيرى
صاحبى الى متربين فى بيت واحد
بيتى هو بيته
وإن جعت باكل من زرعه ومن غيطه
ماإحنا واحد
إتفرقنا ليه وبقينا اثنين وطول عمرنا
ياصحبى واحد
الفلوس زادت وفاضت فى إيدك ماعنتش
هاتقولى هات
كنت باعطيك من سكات أحس بيك أعرف
انك محتاج
كنت أبص فى وشك أعرف إنك زعلان
أزعل أنا كمان
ماكنش يجينى نوم الى إما تفرح وتنام ياصاحبى فرحان
نسيت ياصاحبى العشره ودا كله عشان
الغناا والمال
كنا بنقسمها مع بعض بس كانت ياصاحبى
فى الحلال
كان القرش قليل فى الإيد بس كان بيكفينا
وكمان بيفيض
وكنا بنخرج منه ذكاة ويرجع لينا الضعف!
لا عشر أضعاف
كنا من الحرام بنخاف القرش لو مشكوك فيه
ملعون ليوم الدين
ولو القرش حلال وتعطى وتنفق منه !العشره بترجع عشرين
سلام ياصاحبى والفين سلام على الى باع العشره بقرشين
هامشى فى طريقى حتى لو كنت وحدى
فى الطريق
ومسيرى ياصاحبى هامد ايدى وانقذك
وانت غريق
ساعتها هاتقول صاحبى كان عانده حق
هاتقول للشيطان لأ
إرجع ياصحبى مكان محفوظ والكرسى فاضى ومقفول
إركب وافرد الكرسى واقعد جانبى قدام
رفيق للطريق
ماحبش ليك ياصاحبى غير الحلال الغنا
مش بالمال
عزة نفسك وكيانك فى الدنيا اسمك
هاتذكره الأجيال
بقلمى
يوسف عطاالله