الشاعر محمد دومو
القلب نبع بكلام ال لحبيب صادق
كويتو اليوم بعدما فاجأني الخاين
لهوى لي جذبني واصبحت عاشق
آش جرى ليه حتى زال وهاجر؟!
شوق البارح كان بين لقلوب صامد
بالحب تغريت..ظان يبقى حاضر
سرحات بيا لقدار واعثر جوادي
لحبيب ما عاد يصلح عوين ال زادي
تركت لخيام مدݣوݣة واسرت غادي
ما نتلفت ال لور ولا نشوف حتى قدامي
القلب مجروح من كثرة تعوس ايامي
طير بجناح مكسور ما عاد اليوم شادي
عقلي مخطوف هبيل دالح وراضي
ما يهمني خليل خان عهد البارح الوافي
دخان العافية تبخر وزال معاه عذابي
ورمادها أصبح أحداث حكايات الماضي
-بقلم: محمد دومو
-مراكش/ المغرب