فين الحبايب
او اللي كانوا عاملين حبايب
انا هو انا والمكان هو المكان
بس الحب والود هو اللي غايب
حبكم كان مزيف ودكم كان كداب الوشوش كانت طيبه
اتاريها طلعت اقنعه
عيشتوني في تمثيليه
دوري فيها بهلوان
واخدين فيها دور البطوله
وتستحقوا اوسكار كمان
ماانا غلبان
او زي ما تحبوا
تقولوا عبيط او جبان
باصدق كلمه حلوه
واللمه والحكايات
وبعيش اللحظه وياكم
واتنهد الاهات
من قلبي عشت
حلوكم ومركم
ولما تيجوا عليا
اقول مش قصدكم
بتجرحوا اه فيا
وتطبطبوا عليا
كله في نفس الوقت
ازاي بتعرفوا
الخداع جوه القلوب
بقى موجود
والضحكه على الوشوش
والحقيقه مزيفه
كلام الحب منكم
مخلوط بكدبكم
كنت فاكر حبكم
حب بجد حب حقيقي
واديني باعترفلكم
لا بجد برافو عليكم
بصراحه صدقتكم
فين الحبايب
او اللي كانوا عاملين حبايب
بقلم_ رقية خالد