كتب احمد الغمري
بعدما شاهدت جماهير نادى الاتحاد السكندري الاعب المعار لناديها من النادي الاهلي وهو يقول كنت بعيط بالدموع وانا بمضي للاتحاد ووالدتي بتعيط بالدموع لاني مسافر اسكندرية.
فعلي الفور قامت جماهير سيد البلد وهي الدرع والسيف لناديها بتلقين الاعب درس لن ينساه في حياته فقد أشعلوا صفحات التواصل الاجتماعي بجمل وعبارات منها علي سبيل المثال ماكتبه الإعلامي السكندري محمد الزناتي
(أن شاء الله أرجع قريب كده وفي اسرع وقت باذن الله ) لا وحد الله متعيطش هي مش ناقصة واحد يعيط علشان نفسه يرجع احنا مش نادي للطبطبة يا حبيبي انت احنا نادي كبير وميقلش ولا عن ناديك الاهلي ولا عن الزمالك وغيره انت لو جاي النار مش هتبقي بالإحساس ده ولو جاي علشان تثبت نفسك وهدفك نفسك قبل سعادة جمهور اسكندرية ونادي الاتحاد يبقي تتوكل علي الله يا احمد يا سيد يا غريب ده ألف واحد يتمني يجي إسكندرية وألف واحد يتمني يلبس تي شيرت النادي اللي مر عليه أكثر من 108 سنة
اتكشف اللي جواك قبل ما نشوفك وصدقني شكلنا فعلا مش هنشوفك ، ارجع القاهرة علشان الغربة وحشة وجو إسكندرية وتي شيرت نادي الاتحاد محتاج رجالة تلبس توبه.
أما كبير مشجعي الاتحاداوية فكتب لوالده من فضلك تعالي خد ابنك لأنه محتاج رضاعة أمه محتاجة له ليبطل بكاء فنادينا ليس به من يفطمه