عاجل موافقة رئيس الشركة القابضة للكهرباء نصر علي زيادة بعض البدلات

 

متابعة : نشوي شطا

صرح اخصائي  د.عبدالله أحمد : الإرشاد النفسي والاسري

 أن كلمة النرجسية معروفة في قاموسنا انه الشخص المغرور اللي بيحب نفسه بزيادة، ولما حد بيقعد يتكلم عن نفسه بعظمة كتير شوية نقول عليه ده شخص نرجسي..

النرجسية : مشكلتها أكبر من كده بكتير، والعلاقة بالشخص النرجسي مش مجرد صعوبتها في انه شخص بيحب نفسه وبيعظمها ولكنه شخص بيؤذي الأشخاص اللي حواليه بطريقة مباشرة..

النرجسي ليه 7 علامات بتعرفه بيها، وبيؤذيك من خلالها.. والصفات دي:

1. الشعور بالعظمة وأهمية الذات، زي ما مشهور عنه، دايما بيتفاخر ويتخطى مرحلة الغرور وشايف نفسه الأفضل دايما.

2. المبالغة في الكلام عن انجازاته، زي انه يقعد يتكلم عن اد ايه هو عظيم في شغله ويعظم من مواقف حصلت عشان يظهر مدى تميزه، وممكن يوصل الموضوع للكذب عشان يظهر نجم لامع.

3. مبيقبلش النقد، وده طبيعي جدًا بالنسبة لشخص شايف نفسه عظيم، فأي كلام يقول عكس كده مش مقبول بالنسباله.

4. وقصاد انه مش بيقبل النقد، لا كمان لازم تثني عليه باستمرار، ولازم تشعره بالامتنان باستمرار حتى في أتفه الأمور عشان ترضي غروره.

5. الشعور بالاستحقاق، قصاد كل ده شايف انه يستحق كل حاجة من الناس، ومحدش من حقه يرفض له طلب، وإلا هيتعرض لغضب شديد.

6. استغلال الآخرين، لانه بيفتقر للتعاطف، وعنده شعور بالاستحقاقية، فمعندوش اي مانع انه يبقى شخص مستغل.

7. وزي ما بيعظم نفسه، بيقلل من الآخرين، بالتنمر أو الاستخفاف أو اهانتهم والتقليل من شأنهم.

المشكلة مع الشخص النرجسي اللي بيملك الصفات دي إنه عمره ما هيقبل انك تقوله انه نرجسي، أو تعبر عن مشكلتك في علاقتكم، أو تعرفه انه بيقلل منك عشان هو شايف ان اللي حواليه اصل منه فعلا وان هو عظيم..

حاول تبعد عن أي شخص نرجسي لو مش قادر يستوعب ان عنده مشكلة كبيرة محتاجة تتحل..

وأد ما تاخد بالك انك متكونش في علاقة مع شخص نرجسي، خد بالك متكونش انت الشخص النرجسي في حياة غيرك.