عاجل موافقة رئيس الشركة القابضة للكهرباء نصر علي زيادة بعض البدلات

  

عشان_أحلو

باأقرب من عِنيك جِداً عشان أحّلو 

وقلبي باأسِيبُه يتنطط  قُصاد مِنك 

ويِعّمِل جَو .. 

باأسلم رُوحي عـ المُفتاح 

دا كل مَشاعري  عـ الزِيرو ..

جِريت مـ الدُنيا علي - حُضنَك - 

عشان مالقيتش يوم غِيرُه  .. 

جَميل وعاجبني تأثيره 

ونبضه لوحده مَزيكـا  ،،

بيطرد حُزن أيامي ويمشي عليه 

بأستِيكا ..

ياعامل أحلي بُوليكا 

وسَطوه وإحتلال كُلي ،، 

طلعت لقلبي بس منين

تعالي ياواد هنا وقولي ..  

صحيح الحُب بيحلي وأديني بحُبك إحلويت ..

يا جَنه وكل ماأدخلها 

أنادي بأعلي صُوت حبيت ..

ماشفتش روح برقتها 

بتفتن رُوحي فـ ثواني ،،

جمالها لوحدُه بيسمح لي 

ألـِف الدُنيا فـ مكاني .. 

كتبتك نَص والتاني  / 

وعملت مابين حروفك رَبط 

فشلت  بإن أحدد لك وأخمن 

إنت إيه بالظبط  .. 

زرعت الطيبه فـ طريقي وكل الوِد 

عـ الصَفين 

جنانينك مـ الوَنس طرحت 

وخايلت من جمالها العين .. 

مانيش هاأسأل واخدني لفين 

ياحُب لمسته بكفوفي 

معاك علي وَضعي وطبيعتي 

وكُل جرأتي وكُسوفي ..

تعالي يادُنيتي وشوفي هواه إزاي مكفيني

دا فَرّحي لمستُه من قلبك 

وده لوحدُه مخليني ..

أقرب من عنيك جداً

وأتمتع باأجمل ذوق ،،

ليالي الشِعر دي ولا 

ليالي المَعشقه والشوق ..